2012年12月29日

士多啤梨酵素

 
又到士多啤梨當造的季節,我一定會做果醬比老媽子和家人吃

個個都好喜歡吃,~因為我整得好食囉!!

其實講味道.....自家製跟現盛真係相差十萬8千里,我仲未遇上一罐好味的果醬

自家製的味道好真實,好香.....鮮甜得來一點都不假,現盛既通常都賴野~

講蕃酵素就第一次整,味道已經登上第一位喇~~超香甜呀)))) 我超like囉~~
 
 

2012年12月28日

2012年回憶錄

 
2012年回憶錄
 

2012年快將變成歷史了~回顧這一年,有得有失,而且覺得時間真的過得好很快.....

當我拼圖既時候,睇到這堆爛相時,就好像上個月發生的事,原來...不經不覺已經一年了!!

什麼都抓得住,只有時間和皺紋....hold不住!!

每個月發生的事談不上精彩,只是日常生活的小細節而已

寧願簡簡單單地過.....沒事就是好日子

製作了12張照片好讓自己細味一下,希望來年過得更加精彩,不想浪費每一天
 
 
 
2012 Jan
踏入2012的ifc , 新春滕滕震溫泉遊 ,  買新焗爐 ,  麵包 , 盆菜
 
 
 

2012年12月27日

聖誕24,25,26 Dec 2012


平安夜晚餐

個焗爐買了一年都還未用過烤雞功能,來到平安夜就試一試吧~~

烤出來的效果不錯,日後要多點用來烤雞吃

今晚食得好滿足,平安夜未有外出,在家深層睡眠
 

2012年12月19日

太興


食過好幾次太興都不錯,反而無食過燒味

胡椒魚湯雞飯是我最愛的,個魚湯好鮮甜,沒有味精,胡椒味充足
 
 
 咖哩味好香,有一點點椰香味,牛腩又夠稔,只是薯仔太少
 
 
 福建炒飯比雙拼燒味還要平宜,當然要試一試啦!!
而且又夠足料,蝦爽口炒飯香!!味道很好~
 
 
這個牛河不得不叫,每一條粉都充滿瑞士汁的味道,而且帶甜,好好食呀!!!非常重口味呀~
睇相就知.....誰不愛
 
 
 這個星洲炒米相比....都不錯,味道濃
 
 
 
 最愛的熱柑桔
 
我的老毛病發作...............懶*

天氣冷,大家多穿衣服別生病

*完*
 
 

2012年12月17日

生磨芝麻包(麵包機)


各位兄弟姐妹們......又係麵包文

真係唔好意思,又迫大家睇我D麵包!!!

有過諗過12.21日點樣過呀!! 做冬定係等運到??

假如我們的人生還剩下3天,應該點樣過好呢??

2012年12月15日

第一次的天然酵母包

 
這次的天然酵母包讓我有一次整麵包的感覺,好興奮~~效果比我預期中好

凌晨兩點出爐,看到一條條裂痕,天然酵母的感覺真的不一樣

我忍不住....凌晨兩點多吃了一個新鮮出爐麵包!! 好爽呀~~
 
 

2012年12月14日

Little Twin Stars @ Mikiki Mall , 2012 Dec 11

 

今日終於可以去新蒲崗既Mikiki啦
因為我知道裡面有超可愛的星仔星女呀!! 勁Q呀))))

好多人都喜歡Little Twin Stars,由其是拍拖的戀人們都會特別喜歡

咁多個商場之中,我就特別喜歡這個,不像一般的華麗和氣派

四周圍用上甜點和糖果做佈置,充滿.....滿滿的溫馨甜蜜感覺

晚上8點去到人流不算多...可以慢慢影個夠
 

2012年12月13日

生磨黑芝麻糊

清洗黑芝麻

突然抽起唔知邊條根......好想食
芝麻糊
出街食左好幾次.....

之後不如自己試下整啦!!就係咁買左$10黑芝麻
 

2012年12月7日

生磨黑芝麻麵包(湯種)

未整芝麻糊之前.....就整左哩個生磨黑芝麻麵包

食落去....真係好香....好香芝麻味

我只用書中的白吐司分量去做

再額外加了兩湯匙生磨黑芝麻粉落去

出來的效果好好食呀~~

2012年12月5日

金滿庭&少年Pi

 

HK已經連續落了15天雨,想去郊遊都唔得

所以去左睇少年Pi的奇幻漂流2D版, 睇影評又唔錯,就去睇下啦!!

初初見到海報得個青年人+隻老虎係隻艇上面?? 做咩呀~~咩戲嚟架??

我對3D麻麻地,又唔慣帶眼鏡睇,又要比錢買眼鏡,買左又唔知幾時會再用

又睇到頭暈眼花,又唔係幕幕都3D.....票價又貴,都係2D好~

戲裡開頭比較悶,中段就好緊張,睇到我揸到實一實個......爆谷兜

是一部有深度的電影,面對恐懼,你選擇繼續還是放棄


睇完之後去金滿庭食下午茶

2012年12月3日

檳榔種子成長記

檳榔種子成長記


有些博友都知我鋪"撿種子癮"

今年4月在公園裡撿到的檳榔種子,前前後後撿了9粒呀~~~好開心!!

最後只有一粒成功發芽,發芽率真是好低,寄望明年4月再撿過

當我去尋回4月撿檳榔的博文時...  想睇撿檳榔的過程按這裡
看到一位已經在天堂的博友給我留言,我...很感謝你帶來的寶貴智識

我的雙眼莫名其妙...流淚了

2012年11月18日

中東包 Pita bread *首次自家製*

靚唔靚呀~~整哩個Pita一定要預好d時間

話明8點開餐,6點開始ready,結果都要搞到8點9先有得食....餓屎大爺喇!!

餓下都值得,因為真係好好食!!

2012年11月15日

放假喇喂....食足一天


2012 Nov 13

當體重回落既時候,心裡總想放肆地吃到滿肚腸肥

數字遊戲暫時可以不理~~嘻嘻*

今天我好似放監一樣,大吃特吃

亦證明了我的食量比大爺多,嗚嗚* (不得不承認)

開開心心地食足一天逛足一天,去的地方比較多,這篇也比較長


2012年11月12日

豚王棉登徑 & 筲箕灣東大街

 
這兩個地方大欖都扯唔埋,而我地又偏偏去左~~真係得閒得滯

先去尖咀棉登徑食豚王,好明顯又係我要去啦!!因為我愛食麵嘛~

一去到唔洗等位,被安排坐bar檯,坐bar仲好啦!!我地又88掛掛望人地煮麵上菜
 

2012年11月10日

大菜糕(附食譜)

如果要數十大呃錢甜品一定有大菜糕份~~點解??

因為實在太簡單又豪無難度,所以我一定唔會出街食大菜糕囉~

而且上篇提到減肥其間可以食大菜糕,就順便出下啦~

2012年11月7日

減肥餐單*真人版*大公開!

減肥餐單**真人版**~~ 大公開!!*************************************************
註 : 這篇比較長,無時間睇就唔好睇喇,得閒先再嚟過啦!!~~
*************************************************

自從大爺食左哩個減肥餐之後,在14天內足足減去9磅之多
竟然減去9磅呀))) 我都好愕然(⊙_⊙)"  既羨慕 (啍*)以前常常用跑步和做運動去減
成績都不大上落,能keep不能減
初初我都暗盤估佢不成功,最多都係2-3磅,點知?? 真係咁好成績~~ 值得一讚(拍手)
HK一般男人喜歡有飯落肚有骨落地,每餐還要加咖啡奶就完美了...(對不對~)
大爺又何嘗唔係呢?? 為了隆重其事這個減肥餐單,他最愛的奶茶都滅得甩
絕對遵守遊戲規則,如果
你也要減磅之前,問問自己可以嗎?  (我殷師奶一定唔得~)

能減多少就要看你自己喔~加油!!

這個餐單只是從網上找回來不是甚麼秘密只是有人親身經歷,記下箇中的點滴
順便跟大家分享一下

減肥餐單*真人版*正式開始)))<<日本醫院減肥餐單減肥法>>第一天
早餐﹕熟蛋一隻、西柚一個、方飽一塊、茶
午餐﹕熟蛋一隻、蕃茄一個、茶
晚餐﹕豆腐,(青瓜、紅蘿蔔、西芹等做成醋味沙律)、茶
第二天
早餐﹕熟蛋一隻、西柚一個、方飽一塊、茶
午餐﹕熟蛋一隻、西柚一個、茶
晚餐﹕牛排,(蕃茄、西芹等做成的醋味沙律)、茶
第三天
早餐﹕熟蛋一隻、西柚一個、方飽一塊、茶
午餐﹕蔬菜沙律、西柚一個、方飽一塊、茶
晚餐﹕豆腐,燒雞,(蕃茄、西芹等做成醋味沙律),茶
第四天
早餐﹕熟蛋一隻、西柚一個、方飽一塊、茶
午餐﹕蔬菜沙律、西柚一個、方飽一塊、茶
晚餐﹕豆腐,芝士,菠菜,茶
第五天
早餐﹕熟蛋一隻、西柚一個、方飽一塊、茶
午餐﹕熟蛋一隻、菠菜,方飽一塊,茶
晚餐﹕魚,菠菜沙律,方飽二塊,茶
第六天
早餐﹕熟蛋一隻、西柚一個、方飽一塊、茶
午餐﹕生果,菜用罐頭,茶
晚餐﹕牛排,(蕃茄、西芹等做成的醋味沙律)、茶
第七天
早餐﹕熟蛋一隻、西柚一個、方飽一塊、茶
午餐﹕凍燒雞,蕃茄,西柚一個,茶晚餐﹕燒雞,蔬菜湯,蕃茄,椰菜,西芹等,西柚一個,茶

日本國立醫院的減肥方法
這減肥餐在二星期內將體內組織經化學變化而起作用,食量多少全無關係
但必須嚴守食譜內指定的食物進食,因事故中途停企時請再從新進行,為期二星期,可減至10kg
完成這減肥方法後因體內組織已變化,除了必需的營養外對多餘的物質不會吸收,
增肥的機會減少,只要減少進食殿粉質食物便會控制體重。

注意事項
1. 沙律中不能加沙律醬或有油的調味料,蔬菜最好煮熟加豉油或醋
2. 茶不能加糖,奶
3. 肉類可燒或煮熟,不能用油
4. 魚可食魚生或蒸或煮
5. 盡量少用鹽調味(為了不能飲大量水,八杯內)
6. 雞約雞脾一隻,牛肉約80-200g(每個人7安士
)
7. 雞蛋要全熟,二個亦可

8. 任何調味都不能加糖,以淡味為主,避免多渴水
9. 方飽的厚一塊20mm
10.可做大菜糕來頂肚餓或香口膠(無糖
)備註﹕早晚必須記載體重,就算數日毫無成績亦不用心急,十日後必有驚人的效果********************************************************************註: 第4天晚餐 , 好多人都知菠菜跟豆腐不能同時進食,所以不會屎跟,改為豆腐+蔬菜類*******************************************************************大家了解完之後覺得難不難,其實也太算太難,只係擔心夠唔夠飽?? ((大爺心聲 : 真係飽架))

睇睇下會發現食嚟食去都係果幾味,最重要係晚晚放工一定要回家食
所以大爺連續14天沒有出街食過一餐飯,只係去過ikea食三文魚沙律(走汁)

開始餐單前一天,大量購入西柚,蕃茄,西芹(能耐冷藏的蔬菜)

雞脾,魚塊,火鍋肥牛(最瘦)或牛仔骨.....等等!!
正式開波喇喂)))))
大爺把西柚去皮,加冰塊打成汁,方便隨身攜帶!!而且雪凍嚟飲易入口

我試飲後.....即時那口那面因為好澀好苦!!(依~~~)

2012年11月3日

攀牆高手地錦 - 種子盆栽

攀牆高手地錦 - 種子盆栽


第一次用種子種攀藤植物....當然好期待啦~

而且仲好靚好滿意添~當有陽光照耀時特別醒神
 

2012年10月31日

生日麵包

之前講過我生日既時候,我不要生日蛋糕 我要生日麵包
我唔係玩野架~~我好認真架!!

今次由大爺親自出手,由磅材料開始到麵包機搓麵團都係佢一人負責

我坐係樹 un un 腳.....爽爆呀~不過一個從未接觸麵包的人會比較困難

初初我只做指揮官唔落手,最後都要兩公婆夾手夾腳完成!!
 

這就是我們的獨一無二的生日麵包

洲際酒店生日Buffet

 

洲際酒店生日Buffet

1030是我生日,1029晚去了洲際食Buffet

10天前致電book位,已經full爆,要做waiting list,好彩最後都有位~

我已經期侍已久....準備食戰)))

6:20去到,我地被安排餐廳最入的位置,反而更好,不會勁多人行出行入

攞食物又唔會太遠,如果坐出面,食物檯和人客太近喇~~好容易碰撞

又成日比人眼望望

襯沒有太多人就影影相先

COVA tea set

 
2012 OCT 30 , COVA  tea set

經過昨晚大吃大喝之後,我和大爺都怕增磅
一起床,馬上上磅睇睇先,每人都升左一磅

今天是我生日,天氣突然轉冷又下雨,都唔知去邊好

我想食tea但又唔想過海,最後大爺都肯陪我去海港城食COVA
 

2012年10月26日

17小時中種香草包

最近大爺跟減肥餐單食,已經去到第11天接近尾聲,而且減得好滿意呀~~

我無跟餐單食,我只係靠運動,因為我忍唔到口呀!!

他的餐單上有白方包,要食方包當然要食我整架啦!! 難道出街買咩??

今次整哩個香草包比大爺食會無咁dry囉~ 起碼有陣陣的香草味,無咁寡吖
 

2012年10月23日

逆光

 
走到公園時,不斷抬高頭尋找逆光的葉
 
睇到條頸有點累,不過這輯相我好滿意
 
有些樹葉轉黃了,帶點秋意
 

2012年10月21日

木盒的故事



 
最近收拾雜物房,清理一下不要的東西


雜物雖然不算多,部份拿去分類回收
我已經比以前收斂得多,不會因為得一時衝動/可愛而買
或者一時間被佔有慾操控,硬要抱住不放手,誓要帶回家
買的時侯總是滿心歡喜非常愛錫,一星期後可能已被冷落遺忘
到最後....往往會有點後悔,為什麼當初會買呢?
 
現在學會買之前停一停,諗一諗,我的有需要嗎?其實什麼都不缺

清理其間.....無意中找到一個木盒

< 想當年....這是一個神秘魔術木盒,有人認得嗎? >

2012年10月19日

海運PIZZA EXPRESS

 
大爺帶我去睇夜景喎~~就係去Pizza Express

雖然我地係純正既香港人,但係香港既夜景真係百看不厭,更何況是遊客

好似一幅會轉色既大銀幕一樣,咁多間PIZZA  EXPRESS都係海運個view最靚

去到6點多無咩人,服務員話1.5小時要交檯,無問題吖~~ 我地食飽就走又唔會談心

2012年10月13日

迪士尼黑色世界2012 Helloween

迪士尼黑色世界2012 Helloween....(用慳d啦bady口吻*) join me~~嘻嘻


是日好姊妹芝芝公司送迪迪尼飛,芝芝已經有全年PASS,所以多出一張門票

我又可以去迪迪尼玩喇(大爺)~話時話我好耐無去過夜街喇~~(過12點先叫去夜街呀*)

去到已經7點3,多得晴晴&芝芝一早霸個靚位比我影相~

馬上去睇7:30pm夜光鬼魅巡遊,由呀JACK帶頭行第一

現在氣氛都不錯,略為短左DD好快就睇完.....
 

2012年10月10日

洛神花茶


還記得上年第一次認識這種植物它叫洛神花,一個好好聽的名字

每年十月份又到洛神花的季節,菜市場已經有新鮮洛神花的踪影囉~

女人多喝有養顏美容&補血功效,我又點會錯過呢~

洛神花茶味道帶酸,就好似利賓納一樣,好好喝呀!!
 

2012年10月8日

懷舊年代蓮香樓

 
懷舊年代蓮香樓
有多少年未見過呀嬸推著點心車.....應該無廿年都有十年吧!!

來到蓮香樓是可以找到兒時"猛"住呀媽衫尾到茶樓的情景

絕對回到
那種n年前的感覺.....

2012年10月6日

肉桂麵包

究竟是"肉桂" "玉桂" 呢??

攪到我都好混淆??唔理得咁多

吸收了上次經驗之後,今次終於整到旋轉feel喇~~睇下
 

2012年10月2日

老媽子生日@季季紅食乳豬

25-9-2012 老媽子生日 @ 季季紅風味酒樓 

老媽子生日選擇去季季紅

係藍地輕鐡站等齊人之後,過對面馬路就到喇!!

估唔到已經有十幾人係門口等位,今日係閒日都咁多人,真係好旺好紅呀~~

好彩我地早兩日已經訂好檯呀~~

我和大爺第一次去,覺得好有新鮮感,村口還有間懷舊士多

2012年9月25日

期待好友的婚禮


終於來到好姊妹Be的婚禮 , 之前都提過她們共同生活了16個年頭的情侶

今天來補簽一張婚紙吧!! 祝你們幸福快樂 , 今天亦是Be的生日~~ 生日快樂呀))))

這裡沒有360度旋轉大舞台,水晶cat walk天橋....

反而...我喜歡這種簡單而隆重酒會形式的婚禮,可能跟我性格有關,不喜歡浮誇喜歡低調

一去到有張好長既貴妃椅呀~~

巨峰提子酵素

之前聽BLOG友講 , 提子酵素係最好味~~

我又唔執輸浸埋一份 , 期待了14日 , 終於可以舉杯試飲喇)))

聞一聞....的確好香巨峰提子味

飲一飲....嘩~超香巨峰味 , 飲完一口巨峰味依然存在口腔 , 香氣迫人

這種味道好真實 , 跟現盛的果汁真係無得比 (日本出產可能除外) 簡直無得彈~

初初以為好似提子藥水味 , 結果我...真係諗多左囉~ 以後有好野飲喇~

***********     ************    ************

之前咪講過飲完飲酵之後會精神好多嘅~ (我講梗我 , 其他人我唔知架*)

前日我又有種好累好累既感覺 , 係屋企諗住休息下 , 忍住唔飲酵素

呆了2個鐘之後 , 一飲....又漸漸恢復精神起來 , 真係唔到你唔信~

我相信我以後都走唔甩喇~
 

2012年9月22日

提子白麵包(麵包機)

最近真係好懶....懶寫BLOG 懶遊BLOG 懶整包包 ~
懶人真係無藥醫架 , 所以我可以大條道理懶下去 ......

由於要懶又要食 , 今次全程用麵包機整 , 唔再出手~
出嚟既效果都好好呀~ 當然無焗爐咁好啦!! 已經好心足喇~

我又可以繼續懶下去 , 唔洗定時定侯去同麵糰玩遊戲囉喂!!
▼你話靚唔靚仔先....果粒提子好識搶鏡呀~
 

2012年9月19日

機場富豪酒店Buffet

機場富豪酒店Buffet  2012  Sep 18



前日係某團購見到機場富豪酒店Buffet , 都只係$198/位(另+$34.9)

見咁平就去食下啦!! 我地都無咩期望 , 主題係泰式龍蝦 , 但最後都.....

一早去到東涌行OUTLET , 不知幾多強国人在振興HK既經濟 !!

我都係餵下麻雀仔好喇~~~

2012年9月16日

生活小事 (二)

生活小事 (二)

續生活小事(一)出街之後 , 已經開始寫生活小事(二)

我也不知道為什麼一寫就用了3天 , 哈哈~~ 一個字 "懶"

我覺得一張相一個小話題都幾好吖~~短短地又不會長篇大論 , 最適合我~

因為我真人說話不多 , 絕對不會口水多過浪花的人 , 性格比較偏向沉默寡言 (真的*)

遇上陌生/新相識的人變得更加沉默 , 不會開口只會點頭和擰頭 , 或者回你一句好/不好便算

除非你是相識多年的老死 , 否則好難看到我的真面目 !!!
那.....在BLOG內既我....是沉默既我 或是 真正的我呢??
其實在BLOG內是真正的我 , 因為我沒有面對任何人在說話 , 所以我可以暢所欲言
 
當然在BLOG內的"語言"和"用詞"有加以修飾過 , 有些說話更不能出街呀~~

日後儲夠5件小事 , 會再開寫生活小事 (三)
6. nikon cpl
7. 鬆弛熊馬卡龍
8. 巨型牛角包
9. 百記掃貨
10. 打網球


2012年9月14日

生活小事 (一)



 
生活小事 (一)

最近沒有去逛街 , 因為上星期大爺打波後.....腳痛

而大爺今個禮拜又撞爆隻腳指公,谷到隻腳指公腫晒 , 痛到不能入睡

最後忍痛將腳甲磨平 , 再用刀片 片了一下......最終順利放血減輕痛楚 !!

大爺現在行得好慢 , 康服中 ~  希望下星期可以去街街啦 !!!  ((無相*))


無去街 = 無相 = 無新post

不過巢下近來的照片 , 發現有一些挺有趣的

有時得一幅照片咁大把 , 好難拿出來出呃一篇post嘛

所以今次湊夠10張相分兩篇出post , 講下近月發生既 "生活小事"

2012年9月7日

朱古力花花白餐包(附食譜)

 
之前整了花花白餐包我覺得好靚,今次用個諗一諗

呀.....不如今次用朱古力奶+朱古力粉整個花花包先~~

效果一樣咁好呀~~

2012年9月3日

叮噹100隻(海港城)

海港城 X 叮噹


最近既叮噹熱潮一點都無減退,皆因我早上8:45去到,嘩)))))已經好多人呀~

因為有要事在身,9月2日早上8:45已經到達海港城準備影叮噹

諗住咁早會無咩人啦!!錯晒.....完全錯晒!!誰不知依然一樣 咁多人
 
都好!!個個香港人都好有禮貌影呀影!!!有一家大細,情侶....還有我這種單身人仕

眼見咁多人,都唔會逐隻影!!!得意先影,都影左四十幾隻~~

2012年9月1日

麵包布甸

麵包布甸
 
又係麵包....你唔悶我都開始悶悶地

第一次整麵包布甸 , 亦係第一次食麵包布甸 (唔好笑我娘呀~)

原來做法好簡單,應該可以咁講....係一個唔會失敗的甜品

當然好有成功感啦~~~嘻嘻*

2012年8月29日

花花白餐包 (附食譜)

 
一直都只愛白包包 , 有時把包包整成不同形狀,都有一種新鮮感~
今次之這個花花白餐包我超愛呀 , 我真係花癡嚟架~
 

2012年8月27日

夕陽 2012

2012 AUG 26    Sun



好多時都會搭港鐡回家 , 一上地面習慣性望向西邊~~

嘩~~今日的黃昏一定好震撼 , 拿拿林......急急腳....行快兩步回家立架撐!!

SET好相機和腳架.....對準目標 !! 雖然沒有咸蛋黃相伴 , 已經好夠睇頭~

今日的黃昏特別在中間部分 , 好似被割開一樣 , 可以望透雲層後的藍天

短短幾分鐘....已經變化好大 , 無人會知道下一秒會變成什麼顏色