Cheesess 芝士蛋糕

 

Cheesess 芝士蛋糕...........濃味人首選


這天開開心心買了兩杯甜品回家
安排好夜晚一個人un un腳獨享,因為大爺收夜,一個人孤拎拎獨守空房......
其實係無人阻頭阻世之下.....又自得其樂!!爽呀~

 

Cheesess : 尖咀The One 4樓
還有曲奇....不過吸引唔到我

 

之前見到貓小玲post個夕膠杯覺得好靚,我又忍唔住買左兩杯~~嘿*
服務生好細心.....要解凍半小時食就最好,芝士會軟硬適中只有個杯是夕膠,碟和剷唔係夕膠架!!!
$38/一杯

 

 

花剷更是我想要的 , 殷師奶喜歡有種又食又拎既感覺

 

一剷落去......o依....有野架喎~~

 

 

再剷落d....又有芝士喎~

 

 

芝士味道好濃.....我愛!!
質地軟綿綿....好梳呼!!  藍莓粒不會很甜,芝士味又香,唯獨是細杯d囉~

 

 

紐約芝士味好極濃,每次細細口慢慢嘆.......好快食晒lu~
我真係一個不食正餐的人

 

 

嘆飽甜品之後有D唔對路...........唉......個屎人頭又開始作痛

唔好講咁多,馬上隊杯酵素先.......舒緩左少少

頭先一個人影相&嘆甜品覺得好爽爆架嘛.....都唔覺孤拎拎,嗚嗚~~~

知衰喇.....馬上whatsapp大爺.....快d快d返嚟啦!!!

大爺返到時我已經.....謝謝地要搵周公吹水


**完**