2013年7月16日

西貢划獨木舟

2013-7-16 西貢划獨木舟
出發前一天...........


大爺 :  聽日我帶你去玩新野~~ 要買定乾糧


殷太 : 好期待呀)))) (半信半疑)

大爺 : 拎定個防水袋&潛水鞋......出嚟

殷太 : 吓~~~咁大陣象??

大爺 : 包你膠興.......

殷太 : 去探險呀??

大爺 : 你想唔想知去邊呀??

殷太 : 唔想.......

大爺 : 但.....我好想講你知喎 (姣佬守唔到寡)

殷太 : 唔想知 ....唔准講!!

提示係 : 要濕身,可能有危險,包我膠興??

臨訓前......我已經估到去玩咩喇~~


就係去划獨木舟


因為我曾經同大爺講......我好想去划
獨木舟

女人之家竟然想去划艇
?? 哈哈~~唔得咩~~

出發~~~~

先去西貢碼頭,向游泳池
果邊行10分鐘左右就見到 (燒烤場果邊)
 

兩人一艇玩足全日只係$100,真係好抵玩。
今日係閒日加上又天陰陰毛毛雨,所以無乜人
老闆話六日假期好爆,要打電話去留艇。
 

........任你選......我要白色果隻!!
 
 
換對鞋就馬上出發,我同大爺都係第一次划
 
 
對上一次艇已經係十年前在峇里島玩激流,但係我無咩點划
淨係識享受激流的過程,今次真係要好好學下點樣划
 
 
睇下個天.......幾陰,不過我想陰天多D,加上得28-30度,一D都唔熱仲好C服添~
 
 
出發......我坐前面,整個海面好平靜,靜到有D驚驚地........
會唔會突然有
怪物游上嚟?? ((又自己嚇自己))
 
 
基本上.....一上艇果吓已經濕晒咁濟
多得大爺帶左759膠袋&毛巾,比我遮住部相機,每次影完都要
包到實一實
萬一反艇就仆佳囉...........
 
 
一出海。。。。。左右左右,我就不分方向,起勢咁划
當然亂晒大龍狂打轉,後來多得大爺提點,漸漸清楚方向,2人合力會划得順好多
 
 
 
 
 
 
一隻小學雞&一隻大學雞準備向最近既小島出發 - 羊洲沙灘
咪住)))))))

當接近羊洲沙灘時發現有隻黑唐狗
 
知道我地靠近果陣仲落水歡迎我地......(心諗快上嚟啦!)

我地都打個突,事有QK.....望望下唔止一隻,係兩隻唐狗呀)))))
 
梗係唔上岸啦,容咩易比佢熔左我呀))))
 
三十六計,走為上計,溜之大吉。我閃..........byebye狗
 
 
唔通d人咁賤格,將隻狗遺棄係沙灘上面 (這個羊洲沙灘無人住無屋)
 
 
於是划去下一個島就係白沙洲,大約十幾分鐘左右
 
 
大爺好英呀))))))   有無人想嘔......
 
 
 

對面遠處就是橋咀島
 
 
 
 
 
 
島上環景唔錯,一條海堤有兩面沙灘,如果藍天白雲就更加靚
 

個屎忽濕晒.....失禮晒!!
 
 
 
我對潛水鞋好X緊,但係大爺果對入晒沙.....要買過
 

行完影完就開餐喇,帶左手卷
 
 
 
 

又開始下毛毛細雨,回程中。。。。
 
 

總結 :

由二點開始划,一來一回用左2.5小時,不算太辛苦,因為唔趕慢慢划~

下次我地既目標係遠多少少的鹽田仔果邊.....嘿嘿*

上岸後去附近的球場沖身,仲有熱水添~~正呀))))

沖完涼CC服服逛西貢~~
 
第二日訓醒我地都無手痛,嘿嘿

決定下星期又去划多次.......


*完*

4 則留言: