2013年9月15日

沖繩自駕遊2013 Day 1 (國際通,遇上颱風)


 
沖繩自駕遊2013 SEP 2  Day 1 (國際通,遇上颱風)
 

 

期待以久的沖繩之旅終於出發
係俠客行app訂機票的關係,好怕去到無我地既資料(有d淆底)
好彩....我既擔心都係多餘,用自助check in就可以被過條長人龍
又係食翠華走唔甩



10個坐香港航空9個都話會delay,我都預左.....
不過真係要平反一下,我地哩次來回都好準時
我既意思係15mins內都叫準時 ~~嘿*
 
不過又有樣野R頭,明明話11:25起飛
check in後起飛時間係11:10,連航班NO都改左!
至於飛機餐變左個飛機包
對我地嚟講無咩所謂,反正都食飽飽
咬下咬下又幾好味

 兩個幾小時就到左沖繩喇)))))
天氣唔多好天陰陰+毛毛雨,原來有颱風我地都唔知...囧'...
 
落機後攞d旅遊資料,轉個頭大爺已經被機場的扭蛋機吸引住
咁啱又搵到唱錢機,一共扭左5個BB
一落機未出閘已經用左1500yen
 
好興奮呀)))因為殷師奶已經有5年無去過日本喇~


去到國內航空果邊好多野行
沖繩的石獅子一定要買呀~


掛住睇......行行下就見到單軌空鐡


*簡單易用*
我地要去安里站 ,約18分鐘 ,一人290yen







 安里站
一落車已經見到間24小時超市喇~~(註:天陰陰,毛毛雨)


今次住
沖繩西佳那霸酒店(Best Western Naha Inn)連結按我

間房好大呀,唔似東京豆腐潤咁細~~





有植村秀陪我沖涼添呀~~好香))))
洗頭水&護髮都好好用~~~超香!!
仲有洗顏提供,日本人真係超細心
 
 

由酒店行去國際通只需3分鐘左右
我地間房仲望到國際通條街
安頓好出發喇)))) 
已經情深深.....雨濛濛!!


 
 5:00pm
 嚟到國際通係一件好開心既事
不過開始落大雨呀陰功!
之後大雨到不能舉機影相




6:30PM
不得不咁早食晚餐,因為外面橫風橫雨
雙腳濕晒,條裙又濕

經過沖繩三越,就好容易搵到哩間Bambohe燒肉放題
晚餐男性 1860 YEN
晚餐女性 1700 YEN
限時 90分鐘









只得3枱本地人,食飯時間都咁冷清??
唔通哩度d野唔好食?? 錯.......錯錯~~~



一坐底對住部電視
吓~~原來打風呀)))) 興奮的心情跌到谷底
唔係嘛.....我嚟到就打風,真係"貴人招風雨"?

食足90分鐘,部電視就講足90分鐘颱風消息
哩個台風17號 對日本其他地方造成好大災害

 個風尾仲係沖繩上面

明日9月3日9時仲係沖繩上面


唉........都係食飽至算,我要既藍天白雲已經離我而去


 雖然唔係食咩貴價牛肉 ,石垣牛梗係無啦~~
  不過......我同大爺都覺得好好食,充滿牛肉味!  **滿意**











沖繩特產之一<水雲>

食落都幾好味,味道酸微微質地較軟,好似食滑嘟嘟既麵一樣



除左燒肉好食之外
其他食物都好好食,,千幾yen實在太抵食
  提子啫哩 & 柳丁 好味道~


左 : 苦既涼粉 (唔識欣賞)


左一 : 蛋包飯&炒麵......大爺讚好食好食~


煮物都一樣咁正
大根好甜,我吔左唔少呀~


仲有其他蔬菜&新鮮炸薯角 無影相


連飲品都咁多選擇,有綠茶,果汁有汽無汽.....
C.C,柑桔,菠蘿汁都有,多到唔知點揀


連沖繩常見既 blue SEAL 雪糕都有
勁好食,超香奶味~日本既軟雪糕就係咁好食~

食飽飽......外面未停過
冒住大雨,急急腳走到和平通
和平通內有100YEN店 和 哩間大藥店
大爺幾專注,比我偷影都唔知~~嘿*


我就梗係........睇下d美肌飲料




理想筋肉 , 咁細罐....唔買!!



要買梗係買大大包啦 ......1kg  @,@(真係買左*)


和平通內有獅子會仔工作室
自已揀獅子....自己上色
我都係買好D,萬一自己畫得唔靚就幣傢伙



行完國際通返酒店放底野.....再向24小時超市出發



日本d蕉真係好鬼貴,都係返hk先吔蕉


 
勁好味既合味道咖哩杯麵




日木米真係好鬼貴
閒閒地5kg都要 hk$160-200


 


晚上9點幾......已經半額喇~~340YEN有得食!!



















芝士條&蛋 必食~



去到日本....我會每日都飲
一樽乳酸 (早上)
一盒青汁 (中午)
一杯啫厘 (中午)
~~好好味~~爽爆呀))))
<<宵夜>>
雖然沖繩苦瓜凍凍地.....又炒得好好食喎
刺身一定鮮啦)))






再飲杯沖繩苦瓜茶......正呀~~唔算甘


窗外又落大雨.......唉!!
心情梗係唔多好啦.....我唔係咁黑仔嘛!!
寄望明天會更好

 ==== 酒店房 wifi 超強 ====

沖繩自駕遊2013 Day 1 

*完*

哩篇好長.......寫到我好累
都係分兩篇出.....


 ~~快速瀏覽~~
 
~~快速連結~~ 
 
  

44 則留言:

  1. 第一日都行左好多地方啦!
    好掛住d牛牛啊!

    回覆刪除
  2. 出門落大雨。。我上次去沖成都有落雨呢

    回覆刪除
  3. 去沖繩係expect有藍天白雲喎.

    回覆刪除
  4. 啲牛牛好正呀 ^^
    去旅行最怕就係打風落雨 , 乜mood 都冇哂 !

    回覆刪除
  5. 第一日已經食好嘢啦, 個風吹緊嚟日本, 小心呀!!

    回覆刪除
  6. 燒肉放題竟然有分男女價!

    WELL~~只要唔係山卡拉地方~落雨打風都仲可以SHOPPING下丫

    回覆刪除
  7. 留言走左去後面o既!!!

    回覆刪除
  8. 你真係去左旅行! 有時落雨好似掃興, 不過又會發掘到其他特別的旅遊景點。殷師奶, 你個留言要開另一頁嘅?

    回覆刪除
    回覆
    1. 改左喇,之前留言揀錯左~~揀左嵌入就ok~

      刪除
  9. 沖繩成日都疑似打風喇,去到真係要視天氣如浮雲,如果唔係真係唔駛玩。

    去旅行要調整心情,咁就打風落雨都冇有怕。

    回覆刪除
    回覆
    1. 大爺就無有怕,大雨不會影響心情.......我心情就麻麻地

      刪除
  10. 落雨又真係好掃興,不過無奈地接受,唔好比天氣影響心情,盡情地吃喝玩樂。

    回覆刪除
  11. d蕉係菲國入口,梗係貴啦.架國好多野都要靠入口.
    美肌飲品你咁都信.

    回覆刪除
  12. 仍然在妒忌你的超平機票......
    之前你去過沖繩未?

    回覆刪除
  13. 最鐘意行日本超市,超多嘢想買呀!^.^

    回覆刪除
  14. 我都好鐘意買半價刺身架~~真係堅抵~~

    回覆刪除
  15. 好羨慕丫...我有9年未去過日本啦><

    回覆刪除
    回覆
    1. 日本唔啱你咩?? 9年又真係多左少少~~~

      刪除
    2. 真㡳mama地啱,不過今年想去,因為想買LC,可惜老公放唔到假

      刪除
  16. 打風的確掃興,但係無咁多人同妳迫,都幾舒服架!

    回覆刪除
  17. 去旅行打風真係難得一遇呀!我都好耐無去日本喇〜 望下你D相,解下渴都好呀!

    回覆刪除
  18. 咦...唔見左我既留言既?!
    個放題好抵喎!! 食完放題仲有咁豐富宵夜...食得好盡興呀!
    去日本淨係shopping食野都夠晒開心啦!

    回覆刪除
    回覆
    1. 可能我取消左G+....就會無左
      係日本濕平....真係濕得好開心,如果女人堆仲開心呀~~~你明架啦,嘿*

      刪除
  19. 出發左啦!睇見都happy呀!爽

    回覆刪除
  20. 你唔係咁黑仔呀嘛..........我曬到膿o左2年幾, 依家都仲未白番喎

    回覆刪除
  21. 你整到10個留言呀?? 真係叻呀, 點整o架??

    回覆刪除
  22. 我都有d心思思出年暑假去沖繩玩下~~~
    繼續等睇遊記~~~
    d飲品o者o里雪糕實在太吸引 <3

    回覆刪除
    回覆
    1. 唔食多d.....對唔住自己呀~~~
      中秋節快樂^^

      刪除
  23. 殷師奶早啲識你就好啦,可以買到張咁平機票。:D

    回覆刪除
    回覆
    1. 下次有好野....一定預埋你
      中秋節快樂^^

      刪除
  24. 第一日已經去探路買嘢,24小時超市正呀﹗

    回覆刪除
  25. 出年暑假我哋都想日本自遊行!

    回覆刪除
  26. 我果次去沖繩打風打到酒店停電呀~ 你地的宵夜都好豐富下喎 :p

    回覆刪除