最近沒有去逛街 , 因為上星期大爺打波後.....腳痛
而大爺今個禮拜又撞爆隻腳指公,谷到隻腳指公腫晒 , 痛到不能入睡
最後忍痛將腳甲磨平 , 再用刀片 片了一下......最終順利放血減輕痛楚 !!
大爺現在行得好慢 , 康服中 ~ 希望下星期可以去街街啦 !!! ((無相*))
無去街 = 無相 = 無新post
不過巢下近來的照片 , 發現有一些挺有趣的
有時得一幅照片咁大把 , 好難拿出來出呃一篇post嘛
所以今次湊夠10張相分兩篇出post , 講下近月發生既 "生活小事"
先講講其中的5件 "生活小事"
1. 泰國花環
2. 牛油
3. 扭扭芝士圈
4. channel tea set 架
5. 更換 煤氣爐
............................
6. nikon cpl
7. 鬆弛熊馬卡龍
8. 巨型牛角包
9. 百記掃貨
10. 打網球
☆☆☆ ☆☆☆ ☆☆☆ ☆☆☆ ☆☆☆ ☆☆☆ ☆☆☆ ☆☆☆ ☆☆☆
1. 泰國花環
之前到9龍城食晚飯 , 次次食飽之後我總會逛逛泰國人開的雜貨店
一來可以幻想下自己身在泰國街頭的情景 (癲癲地*)
二來順便買一些泰國食品 , 例如椰子汁,青檸,咖哩,麵,零食....等等
今次大爺被一束肥嘟嘟既泰國花環吸引著 , 而且價錢不貴
泰國常用萬壽菊花瓣製成花環 , 用上巨量花瓣串得密密麻麻
用這麼多的花朵才收我$18元 , 我覺得非常非常平宜
摸上手感覺好新鮮又肥嘟嘟~ 花環比我的手臂還要粗碌
整個花環約長一尺 , 不計兩個花粒 , 我用全屋最大的碟先免強放得落
放了上3-4天....
我愛整麵包 , 每次用牛油大約3顆左右
而我有兩大供應商供給我使用 , 就是我媽和奶奶
她們常常外出嘆早餐 , 自然會有一顆獨立牛油塗多士
她們多數都不會吃 , 怕胖怕超標嘛~ 所以都會帶回家留比我
慢慢越儲越多.....我又慳不少了!! 一次過堆出來影張大合照 , 靚唔靚呀~
3. 扭扭芝士圈
我是零食狂 , 我熱愛各式各樣的薯片 , 我幾乎每天都吃薯片和雜食
盡管平時吃得幾健康都好 , 薯片一定是我好終身好友 (暫時)
之前講過無添加薯片 , 今次講下這款扭扭芝士圈
一睇個樣就知好食啦~~ 仲好高卡添 !! 各大超市有售約$20包
所以我要控制自己每次只能食少少...食少少... 不敢一次過啃掉一包
我超愛它芝士味勁濃勁濃~ 脆口又夠粗身 , 絕對是看電視時的好拍檔
4. channel tea set 架
上個月經過名店被廚窗的tea set架吸引著 , 嘩~channel 個tea set好高級呀~
請留意中間的花紋和立體花邊位 手工非常精緻 , 絕對是上等貨中的上等貨
貴的東西真係有道理 , 還有旁邊的黑媽媽公仔好貴氣呀~ 不過我淘的tea set架都不錯呀~
5. 更換煤氣爐
又到一年一度的免費煤氣檢查 , 廚房爐灶有輕微問題 , $60就可以解決問題了~
而今次煤氣爐最終都退休了~ 上年已經偶然滴水 , 但又查不出什麼原因 , 而且不影響運作
今年順口問問師傅該不該換 , 其實還可以用的 , 不過萬一壞了 , 就雖需要整個換
皆因已經沒有這間廠了 , 沒有零件可買 , 畢竟已經11年了~ 我和大爺都明白明白...了解了解
相量過後....換啦 , 都服務我們11年了 , 又怕無端端壞了 , 又怕無啦啦爆炸 !! (我們想太多了)
要換要安裝....最快都要等7天左右 , 科水就現在 , 先生小姐多謝你們....$4xxx 碌咭還是現金
雖然送我$400 超市現金卷 , 使心靈上好似舒服一點
沒有留言:
發佈留言