家居堆肥 - 廚餘

<家居堆肥 - 減少家居廚餘垃圾>

2011 MARCH 26

用2-3天時間去收集家庭廚餘,準備製作*自家堆肥*

我睇書學架,希望成功啦~

其實我都掙扎左好耐,到底整唔整好呢??

因為發酵過程中一定一定會有蛆/蟲,有微生物在活動

蚊滋昆蟲都無咁驚吖~有蛆+蟲蟲鑽嚟鑽去喎....有D恐怖囉

但係又需要蟲蟲幫手分解廚餘

最後都係決定整,最多唔睇咪得囉!!唔好自己嚇自己吖嘛~

*但係我又無桶/箱,一來唔想徒錢買,二來無位放~最後用個大花盆整啦!!

 

▼桶底先放一層培養土

廚餘料有豆渣,蕃茄皮,薯仔皮,西芹皮,甘荀皮,芫茜根/葉,薑皮,年藕皮

菜心葉,枯樹葉(尋晚和老公係公園執嘅)

兩個人既廚餘已經有咁多,可以想像下一間酒店有好肯多....廚餘*

▼將廚餘拌勻,我將D廚餘盡量切到最細/碎,方便發酵/分解

 

 

 

 ▼在表面上加一層培養土,好似三文治一樣,培養土>廚餘>培養土

 

▼用不織布蓋上,可以疏氣,又被免昆蟲飛入去,又被免樣我睇見蟲蟲

事後話比老公知,過程中必定會有蛆蟲鑽嚟鑽去....

老公:吓~咁你仲整??

我:唔怕,應該唔會爬出嚟,過一段時間就會無左架喇~

老公:咦......

我:哈哈......(蟲*佢驚過我)

 
▼放係花槽出面戶外通風位,臭極有限,不要晒太陽,不要淋雨喔~

萬一落雨...都唔知點算好(囧*),我唔想搬返入屋呀!!

最好再蓋上蓋,我還在尋找*蓋*

 

 

1.廚餘堆肥應儘量以菜葉、果皮、咖啡、茶葉渣為主

2.放入蚯蚓的堆肥土效果更佳(這點我做不到*)

3.一個月後,用花鏟把廚餘翻一翻,如果水份不足,需要補充

4.經過2-3個多月,就可分解完畢

 

堆肥有好多學問,我還在摸索中,學習中~

其實環保可以減少地球壓力,同時亦可以幫助自己的花草和慳錢

要學習環保,廚餘唔係垃圾,珍惜地球資源

 

一個月後再補充

~~待續~~

誰不知5日後

.

.

.

.

.

▼OMG))))))唔係呀化????(囧囧囧*)

點解會穿洞架!!!!

我又驚又想睇之下,用枝竹NEW"下睇下啦~咦....乜都無喎!!

但係附近盆蒜頭D泥好凌亂,連舊蒜頭都露左出嚟

我明喇~唔洗審,梗係D雀仔所作所為啦(囧*)

心諗....D雀仔飛入去梗係有蟲蟲啦~(驚*)

 

▼於是拿拿林用個鞋盒剪左個蓋,再用隻鞋扎住佢

剛好有兩個透氣孔,排臭味

話之佢裡面千軍萬馬,或者玩搞到反雲覆雨(我唔理架喇*)

 

 

安樂晒....一個月後見,唔好再嚇我喇~

 

待續.....

.

.

.

.

.

.

.

.

.

之前3月26日整落既堆肥廚餘

 

今日4月19日打開睇睇先~

先掀開不織布裝裝先~咦!!無野郁郁下喎~

於是用個鏟new下new下
只係有D黑色細細隻,飛下飛下(飛走就無野lu)
之前D廚餘已經無晒喇~

再鏟D泥聞下~咦!!變晒泥味喇~

變泥味代表這桶廚餘已經成熟喇~可以用喇..... 成熟既堆肥會比之前既體積縮減1/3,你睇~ 

 

 

希望人類
善用資源,愛護地球
<<完>>