新鮮羅漢果薑茶

 

 

✿ 新鮮羅漢果薑茶 ✿

半個月前見到blog友用嚟煲湯,但係我又唔識煲

於是簡簡單單整個✿新鮮羅漢果薑茶✿

係街市見到新鮮羅漢果,感覺好得意

平時果D啡啡黑黑,今次係青BB架,仲有短毛添

 

 

一盒$15/4個,最近好多生果檔有售
睇字都知有幾好,新鮮的才是最好的!

 

 

✿✿ 分量和做法超簡單 ✿✿

新鮮羅漢果 1個

水 約1.5 - 2公升 (我用1.5公升)

薑 數片

將羅漢果整碎,水滾後煲10分鐘 焗15分鐘

不需要落任何糖,隔渣即可飲用,冷熱佳宜

新鮮羅漢果裡面好濕潤,帶有少許黏液&青草味

 

 

味道如果??

我飲暖暖地
聞一聞,索一索有少許花旗蔘味道

一飲.....味道好清甜,帶有淡淡薑味,喉嚨留有回甜的味道

我愛))))

比起乾的羅漢果,味道淡好多,清甜好多

晚飯後老公飲了一杯 : 好淡,好薑水味....好甜!!

我 : 無落糖架,係自然甜味~~

當晚我地兩個都不約而同3更半夜....起身痾夜尿)))

哇~哈哈哈!!都係唔好夜晚飲

 

羅漢果一直披著「中華神果」的美譽

羅漢果的功效 : 味甘、性涼，益肝健脾，有清熱解暑、
化痰止咳、涼血舒骨、清肺潤腸和生津止渴等功效；
可治喉痛﹑聲沙﹑氣管炎、
哮喘、咳嗽、胃熱、便秘、急性扁桃體炎等

羅漢果對生長環境要求十分特殊,只有在中國廣西北部才能生長
中國廣西永福縣、融安縣、臨桂縣是羅漢果的三大產地
產量佔全球90%,其中永福縣是原產地
目前,全球羅漢果的年均產量僅為1億枚左右

羅漢果中還含有豐富的羅漢果甜鸭及多種人體必須的微量元素
熱含量極低"低卡路里",對人體頗有益處,羅漢果提取之精華
其甜度相對值等於蔗糖的三百倍
羅漢果甜鸭,除含甜度高外
更具有降血糖的作用
為糖尿病、高血壓、高血脂和肥胖症患者之首選
我的 天然甜味劑及最佳的保健品

新鮮羅漢果 

vs 乾羅漢果
羅漢果製乾需于80c 高温中烘48小時以上
過程中會令维他C流失
膳食纖维部分聚合及大量的羅漢果甜苷和黃酮類化物降解
經高温烘乾的羅漢果雖然更易保存
但其功效就遠遠不及新鮮羅漢果
✿ 完 ✿