食得峰騷的三杯雞

<食得峰騷的三杯雞>
上個星期睇左食得峰騷,最後蘇民峰整左個三杯雞
依~~好似好容易整喎....於是大爺想試煮食得喇~真係好香好正,有d似豉油雞,但又多左種酒香味~
睇見d顏色就知惹味啦~~又係輕食的晚餐

大爺一手包辦去買雞,斬雞
而我負責預備材料,不過有D同蘇師傅唔同~
我無黑麻油改用韓國麻油
我無老抽改用頭抽~
話明三杯雞就係用一杯麻油一杯米油一杯豉酒 = 三杯雞

< 材料 >

雞半隻   薑片  蒜頭   冰糖   蔥
麻油  100ML
米酒  100ML
生抽+頭抽 100ML

 

 

SET好腳架~~~開始))))))
先爆香薑片....爆到金黃色

落蒜頭....聞到香味呀)))))

 

 落雞....唔好移動佢,煎到金黃再返轉煎第2面

我再落米酒+豉油....蓋上镬蓋留少少空間就行開了~~ <我犯左一個大錯>
大爺記得落酒後千祈千祈唔好蓋镬蓋.....會爆大火球架~
大爺行去打開镬蓋之時,成團火球向上升~~~嘩嘩嘩)))))
好彩無燒到手.....嚇屎人呀~大家記得喇~~

 

加適量冰糖

 

 

收汁中.....10分鐘左右食得喇~~熄火落蔥!!

 

 

白烚菜心淋上美味既三杯雞汁....即刻可以食多幾條~~~哈哈哈*

 食飽飽......零食又嚟喇~

<完>