卡邦尼大蝦青口意粉

卡邦尼大蝦青口意粉

 

好耐無同大爺一齊行超市囉 ~~ 今次一齊行,慢慢睇.....

其間見到金寶有隻"卡邦尼蘑菇"醬,仲係專整意粉喎~今晚一於整意粉啦~~

由大爺親自下廚....我係背後執頭執尾做工人

 

大爺用半罐煮了兩碟意粉
個汁味道唔輸蝕,當然唔會勁香,好重芝士味果種
勝在方便快捷,啱晒懶人用~~

 

 

係超市買左罐沖繩飲品
戲玉就係哩罐琉球酒,含酒精只有3%

味道好清,係我愛既青檸味,大爺飲左一啖 : 十足十青檸梳打水~
飲完後估下我有咩反應....唉~真係失禮屎人

 

 

食飽飽意粉,洗埋碗......邊飲邊睇電視,飲左半罐 (註:只係半罐*)
10分鐘左右.....我開始面紅紅,有少少發熱,精神上無問題,說話越來越少.....

20分鐘左右.....睇睇下電視已經支持唔住.....睡著了~(我知大爺係旁邊偷笑*)
不過....我好快再次扮精神去上網!!  身體皮膚都帶少少紅~~

我真係好渣....渣到不得了~~有時真係唔可以免強
3%已經可以隊冧我....
5%會點呢?
13%又會點呢?
唔敢想像.....

 

 

第2晚到我煮....用埋餘下半罐卡邦尼,今晚飲清水好喇~~

 

還有黑醋蝦沙律

 

酒精呀酒精.....我同你真係唔夾架~ 我地分手啦)))))

**完**