巨峰提子酵素

之前聽BLOG友講 , 提子酵素係最好味~~

我又唔執輸浸埋一份 , 期待了14日 , 終於可以舉杯試飲喇)))

聞一聞....的確好香巨峰提子味

飲一飲....嘩~超香巨峰味 , 飲完一口巨峰味依然存在口腔 , 香氣迫人

這種味道好真實 , 跟現盛的果汁真係無得比 (日本出產可能除外) 簡直無得彈~

初初以為好似提子藥水味 , 結果我...真係諗多左囉~ 以後有好野飲喇~

***********     ************    ************

之前咪講過飲完飲酵之後會精神好多嘅~ (我講梗我 , 其他人我唔知架*)

前日我又有種好累好累既感覺 , 係屋企諗住休息下 , 忍住唔飲酵素

呆了2個鐘之後 , 一飲....又漸漸恢復精神起來 , 真係唔到你唔信~

我相信我以後都走唔甩喇~

 

之前上網爬文.....人地話揀比較生既水果會多D酵素

我樓下得一兩檔生果鋪 , 睇了幾日都唔啱我心水

打算回娘家食飯時 , 去元朗走轉先 ,  一心諗住買紅提黑提....點知

有巨峰提子喎~ 價錢牌寫住澳洲巨峰提子 , 就用巨峰浸啦!!

唔好以為好貴呀 , 我邊有咁富貴吖 , 賣$13一磅 另一間$10一磅咋 , 又點會唔心動呢 

我一共買了5磅 , 真係超平呀~ 不管那裡出產那裡種啦~

試食幾粒只是味道不夠甜 , 其實都甜.....最重要味道同日本的巨峰有8成相似

 

 

 

 

 

早晚打開蓋一次 , 讓新鮮空氣進入 , 順手拌勻一下~

 

 

第14日過濾隔渣 , 顏色好似紅酒色呀~

 

 

 

 

今次我有排飲呀 , 要暫停一排先再浸 , 又係時候諗定下次浸咩好呢??

本來這篇可以早D出 , 不過我要深層睡眠 , 遲左2日!!

*完*