台北 Day 4 (淡水八里左岸踩單車,Hello Kitty侯機室,回港)

台北 Day 4 (淡水八里左岸踩單車,Hello Kitty侯機室,回港......完)




2013-2-28 (四) day4喇~~快手快腳寫埋佢先得~

今天是陽光充沛的一天....非常好!!而且有點熱,今天只有一個行程

就是去淡水八里踩單車,希望不要變燒豬~

我地今晚坐8點機回HK,還可以睡到自然醒,準備11點向淡水出發,可以玩到下午3點左右

還下載台北捷運apps,清楚知道車程需要約40分鐘,回程有個預算~超方便

出發)))))

 
來到淡水都是一樣.....沒有計劃吃什麼,見到一家小店便走進去,全都是本地人光顧
吃魚丸湯,沙茶米粉,魯肉飯,雲吞,豆腐糖心皮蛋......嘩~~大滿足!!

 

 吃飽飽.....四處逛逛,總是覺得今天很多人,今天是星期四,街上超熱鬧,感覺像星期天
(下) 經過便買了往八里左岸來回船票NT$45/人,去到碼頭原來可以直接用悠遊卡"拍卡"
用悠遊卡會方便點,萬一船票掉了就沒,價錢只差NT$1 *.*

時間剛剛好一上船就開喇!!人人都有位坐,可能不設企位,看見天氣這麼好,心情大好~~
船程約數分鐘,就好似尖咀去中環一樣近,不過這是一艘遊艇

  




 淡水對岸就是八里左岸碼頭,這裡好多本地遊人喔!!非常熱鬧~

落船就問問路人....那裡有腳踏車租呢??好快就找到.....
今天紫外線甚高超高極高,怕變燒豬!我地決定不租2人車(一前一後)
決定租有頂有的2人單車,老闆聽得出我地不是本地人(NT$400/兩小時)
老闆竟然主動優惠我們NT$350/2hrs~~嘻嘻!!
放下護照當押金.....出發~

 沒有地圖....大家都是向著同一個方向踩油去~~
好快就證明我地既決定是對的!!租有蓋單車是最最最最好的,唔洗曬爆....
風吹來是涼涼的,一旦在陽光下就熱得很,今天應用有25-27度~

踩踩下....眼前是一條看不到盡頭的路
大爺突然唱: 漫漫長路有包萬寶路....(我馬上啤住佢=,=")
大爺繼續唱: 一包兩份煲.....(哇~哈哈哈,笑屎我呀~~)
大爺:乜你未聽過咩???   哈哈....未呀))))
歡樂笑聲由始起....當時真係好好笑,我還要求安歌添~你地又聽過未呢??

去到觀海長堤,風景好好~~有點大風而已

  





hihi....情人橋(白色尖尖)

  



十三行博物館-只在門拍照,未有入內參觀

足足慢踩了兩小時,不算累~~食咩都消化晒!!這個地方好美....
跟對岸的淡水有點分別,多一點郊遊感覺
坐船回到淡水去~

回到淡水.....嘩!!好多人呀~~今日咩日子!!星期四都咁多人(2013-2-28)

還有指定手信要買,是珍奇順的金牛角好似無以前咁香咁好食~~
許義魚酥依然勁多人,我要迫入去先買到,右下角是紅豆餅超難食

初次試吃石花凍+粉圓,好吃!有點似布丁,其他人叫豆花加花生&綠豆,總是覺得怪怪的

大約3點多結束淡水單車之旅,坐捷運回到西門町璞麗取回行李
再到台北車站乘坐國光到桃園機場
一早諗好上國光巴士前要買便當便當
去到乜都唔記得!!台北車站的便當真係好好食~唯有下次啦!!
國光班次好密大約15-25分鐘一班
記得睇下自己坐咩航空公司,客運大樓有分1,2唔好盲中中人落你又落車呀~

去到機場....嘩~~長榮的Hello Kitty既 check in room好吸引呀
哇~樣樣都好美~~Q爆~

CHECK IN後....到下層FOOD COURT搵食
我在7-11買便當,關東煮和飯團(還送我科學麵一包)
大爺食炸雞脾餐~~每一款都好好吃,而且wifi超強!!讚~

 





入閘後.....又見到kitty,成個雞機靜英英~

等上機時....聽到廣播因航班到達延誤,所以會遲15分鐘開始登機
心諗:真係好興玩delate喎~~
當時我習中火力打candy crush,遲咪遲囉無所謂!! 
我身後幾位港人都在打candy
不過唔知係咪旅客唔多爆,最終都係遲15分鐘就起飛lu
遲15分鐘對我嚟講絕對可以接受
抵港一刻還要轉坐bus....就no good

就係咁.....完結4天台北之旅
今次既行程算是天公造美.....第二天在陽光下看櫻花和逛逛竹子湖
如果第3天去睇就慘囉~~大雨過後櫻花一定打甩晒....
行程比以往好,不會只顧逛街濕平,可以欣賞到台北近郊的另一面
相隔7年再次到台北,感覺依舊....台灣人很熱情好客
通街都是平宜美食,很多特色小店....人人都很努力
而且.....每次坐捷運,個個都會"先讓乘客落車然後上車",很禮貌~
博愛坐永遠都會讓給長者,點解hk人永遠都做唔到....(算把啦~)
相信都要過2-3年再來!!


<快速瀏覽>

台北 Day 1 (香港航空,天母,士林,乾杯)
台北 Day 2 (世運,牛店,花鐘,陽明山櫻花花季260怎麼走~)
台北 Day 2 (陽明山竹子湖海芋,師大夜市)
台北 Day 3 (西門町璞麗商旅,牛爾,華西街夜市,師大夜市,西遊降魔篇)
台北 Day 4 (淡水八里左岸踩單車,Hello Kitty侯機室,回港......完)

 *全部完畢,謝謝收看*

~完~