蘇州杭州自由行 DAY 1 ((上海坐和諧號去蘇州))
因為裝修,所以遠行 - 今次去蘇杭8日
我地會上海入杭州出,只有中國東方航空先可以上海入杭州出
訂好機票之後就上網搵"賓館",無錯係賓館,我係携程ctrip訂房
因為裝修,所以遠行 - 今次去蘇杭8日
我地會上海入杭州出,只有中國東方航空先可以上海入杭州出
訂好機票之後就上網搵"賓館",無錯係賓館,我係携程ctrip訂房
蘇州住3晚杭州住4晚,兩間都唔洗比訂金,去到直接比$就ok喇~超方便)))
★★★ ★★★ ★★★ ★★★ ★★★ ★★★
5月23日 ▼香港雞場食早餐先,又多個選擇喇,就係翠華~
個炒蛋炒剛剛熟,個包脆卜卜,沙爹牛肉麵一樣好好食...好食得開心
一上機我就ZZZzzz....
去到上海,天氣比想像中冷,又落雨得16度
去上海火車站途中
一落車馬上買火車飛先,全部都係"自動售票機"識字就識得買,有中英文
可惜當時太投入買飛無影相,2點去到高鐵火車站,買左3:30 / G7022班次列車
每位41人仔,只要24分鐘就到蘇州喇~火车查询(上海到蘇州)
先選擇地方,選擇班次,人數....入$....就係咁簡單!!每日都有好多班車往返*
我地仲買埋5月26日由蘇州去杭州既車飛,咁就安心晒lu
因為車程由1個半鐘 至 5個鐘都有,要爭大隻眼買呀~⊙,⊙
我地買左G7383班次列車,由蘇州出發只要1個半鐘就到杭州喇....正呀~
買好車飛,就去對面既真功夫食野,一個餐兩份食(唔餓*)
咁啱食野lee個商場就係專買照相器材用品,順便行下,打發時間~
3點鐘我地就入去火車站等上車喇~
***好多朋友都有提醒我地記得記得要小心銀包***
我覺得人流都一般複雜架,因為咩人都可以進入車站內
等車期間.....真係有人唔見銀包呀~(唔係我*)
坐係隔離果位年青同志走左之後,有位呀姨坐底,不9....年青人回來問呀姨
見唔見佢個銀包,梗係無啦~幾時唔見都唔知!!真係要當心喔~
3:15可以入閘喇~你話似唔似日本d火車站呢?祖國既發展真係一日萬里
和諧號車箱乾淨整齊無異味
睇見前面對情侶真係.....上車無耐就要拖住手仔!!
我同老公都係分開坐,無辦法啦~要跟NO.坐
時速最快318km,不過蘇州去杭州仲快呀~(之後有相為證*)
話咁快就到左蘇州,打的13蚊就到....
我們住的蘇州桂林園賓館,1晚RMB 128/3晚=RMB 384,係咪好抵住呢?(不含早)
之後行去蘇州最旺既地方 - 觀前街,附近有好多百年老鋪
▼漢庭連鎖酒店又平又近,不過d評價一般,牆身係木板嚟架~
去到手信店見到好多人買哩D一粒粒既糕點 (好似麻雀般大*)
D味道多到不得了,有D聽都未聽過,我地買左一大袋做手信,食後感都OK嘅~
▼之後又見到好多同胞爭住買D一磚磚既糕,搞到我都唔執輸,買番舊試下先~
點知.....咬左一啖,我用左一個非常貼切既形容詞去形容
我咬左一舊可以趙得爛既煙韌泥膠,仲有少少甜味....(我投降了*)
晚餐 - 杭州名菜松鼠桂魚,鬆脆內軟,個汁甜酸適中
東坡肉甜甜地,入口即溶
7點半已經食飽飯,我竟然10點前已經熟睡中ZZZzzz...
翌日早上10點起身....嘩~哈哈哈訓餐飽
**Day 1 完**
沒有留言:
發佈留言