嘉道理農場的情人節

 

 

2011 Feb 14 情人節
天氣寒冷,得9度咋~(新界再底一兩度,凍*)
我地著晒打底衫+規佬褲+冷手套+冷帽....
做足準備去嘉道理農場睇花花(半天遊)

 

不過今日發生左一件事,如果唔係老公及時拉住我.....
我已經跌左落山澗裡面.....嗚嗚嗚~(入硬急症室*)
而且應該會跌穿頭(未到爆果隻)

 

周身傷晒(應該屎唔去果隻)

必定會跌爛相機(應該要買過部果隻~)

哩個故事教訓我**要帶眼睇路**

特別多謝老公,挽我手臂挽回我的命......開始>>

 

 

嘉道理農場

入場後四圍行下,主要想睇下梅花櫻花等等....

1:30pm坐巴士上山慢慢睇到夠

 

 勁大隻野豬呀~(有D驚驚*)

 

 

一落車我見到好很大塊葉呀,有成十幾尺長~(我被巨葉吸引住*)(下圖)

右下圖的石梯就係出事地點,行上去睇完之後,慢慢行返落嚟嘅時候

我的右腳差錯石級.....成個人準備向右邊山澗仆落去(我右手揸住相機)

個頭仲有5寸就撞落地嘅時候.....(當時我沒有大叫,老公係我後面)

我下意識將右手的相機鏡頭朝向天,目的唔好撞爛我的寶貝呀~

而我的身體繼續往下墮......(成個人已經失去重心)

突然間......有人拉住我

係老公拉住我的左手,將我成個人被扯起

果一刻......真係好似被神*打救一樣.....(我頭上有光環一樣*)

真係好好彩,多得老公及時拉住我,如果唔係.....

我應該會....跌穿頭,可能會有內傷,多處骨折,成身濕晒....(嗚嗚嗚*囧*)

 

 

 

 

之後我慢慢行番上車抖下,我的右腳踭好痛喔~

慢慢郁下轉下扭下.....(我唔想睇鐡打*)

到下一個景點落車行下,咦~又行到喎~(少許痛*)

不過關節位有D唔對位,會發出啪啪聲.....(從未試過)

事後發現.....我真係好愛錫我部Nikon相機(賣下廣告先*)

 

去到緊急關頭,都要好好保護相機,我有事都唔想相機有事

keep住靚靚心情,繼續賞花~

 

 

 上到山頂喇~天氣唔好,望得唔遠(預料之內*)

我的腳已經唔痛,完全無事一樣,活動自如~(勁啊~)

 

 

山頂哩棵鐘花櫻桃,最大 最紅 最燦爛 最近距離....

 

 

 

 

到山頂之後,我地唔坐巴士落山,我地慢慢行下返落去.....

D路斜到不得了,要小心睇路呀~(我同自己講*)

 

 

 哩條樹藤應該可以承受我嘅體重(我半放鬆坐落去*)

 

 

 

 

 落到山腳,去生機園...有好多生菜,火箭菜,沙律生菜(我都好想種*)

又遇上蔥花囉~

 

 

(下右)我終於見到西蘭花開花喇~D花係淡黃色

**如果植物上掛有名稱牌會認識更多**

 

 

 

 

我終於忍唔住問呀姐:哩d咩菜嚟架,咁靚嘅??

呀姐:哩d叫*君達菜*,種子係外國運返嚟架,有5種顏色~

白色莖果D,我地就叫豬乸菜.....

哦....明白晒,我眼見有深紅,淺紅,粉,黃,橙....真係好靚~(唔捨得食*)

 

 

 

 

 

入場前要留下電話,車牌~4點幾簽簿後走人.....

今日雖然好凍,但係都睇得開心

老公不時會 : 你呀....睇路呀!!唔好掛住睇~下次無咁好彩喇

唔好行濕地,青苔....如果唔係我及時拉住你,唉~蠢到屎!!

我唔出聲.....(由得你講講講*)

祝大家

情人節快樂

*完*