兩餸一湯 - 紅菜頭湯+秋葵炒豬爽肉+蒸水蛋

 ♥  是日我們的兩餸一湯   營養餐 ♥
紅菜頭湯+秋葵炒豬爽肉+蒸水蛋

 

 

紅菜頭湯
紅菜頭 2個$8蚊雞
再加其實料一齊煲,有薯仔  蕃薯  紅蘿蔔  西芹和粟米
好似煲什菜減肥湯  咁樣....哈哈哈
不過....我又想好味D,加左幾舊豬骨一齊煲呀煲~~~

 

去皮切開睇下,嘩~巧巧好紅呀)))))
切好馬上洗手洗枮板 (拿拿林洗) 怕洗唔甩...
咁啱大爺行過 : 嘩~~你嚟姨X呀??地下有血嘅?
我 : (提高聲線) ....唔係呀))))係D紅菜頭水咋....嚟你個屎人頭~
都唔知好嬲定好笑   又製造個經典笑話出嚟

 

 

水滾後,將所有材料一齊煲....大約煲左45分鐘
除左粟米,所有材料都染上紅色,真係好誇張
馬上試下味道先....好甜好好味,好好飲
大爺....我以後會多D煲比你飲架~哈哈哈

 

 

買左包,秋葵$12,切開係星星形,好靚♥  

 

 

秋葵炒豬爽肉
開頭食既時候爽爽地無咩特別,咬咬下.....D滑潺潺開始出來了
大爺食過之後,以後唔好再買喇~滑潺潺.....頂唔順
有益既野,通常都係難食....

 

 

我的能手野.....蒸水蛋,滑到無朋友~呵呵
加少少胡椒粉和豉油...食得!!
大爺見到咁滑既話....獨估一味都無問題  (我可以打斧頭喇)

 

 

我地既營養餐    食飯喇))))) 

 

隔天.....我放了米粉,一樣咁好味 我充滿營養 (好似)

 

 

<< 紅菜頭功效 >> 紅菜頭含豐富的鉀、磷、鈣、鎂、碘、鐵等礦物質和多種不同的胡羅卜素
纖維又高。它獨有的甜菜鹼，有助保持肝臟機能健康
有通血脈防血管栓塞的功效,可助預防心血管病， 有助降低膽固醇
男女老幼都適宜食用，尤其對女性功效更佳
說可淨血保肝，抗癌及助排便等功效

<< 秋葵功效 >>
秋葵的根在中醫上有清熱解毒、去膿和疏通血脈的功效
還能治筋骨損傷秋葵含胡蘿蔔素及維生素A，對眼睛、皮膚都有幫助
  秋葵所含的特殊黏液，可以保護腸胃道
纖維則能幫助消化，預防便秘，防止貧血及骨質疏鬆
真人真事分享   << 秋葵水功效 >>我奶奶血壓本身高左少少
她早晚空肚飲一杯秋葵水 (仲食埋d秋葵渣添~)
飲完一個月之後,高血壓已回覆正常水平 (勁*)
我買當日,叫我老母試下....洗淨去頭去尾切開幾碌
用溫水浸秋葵......浸15分鐘左右
D 水變了滑潺潺
每飲一淡,都會拉出一條口水絲出嚟 (又未到鼻涕)
我老母飲左幾啖....已經灑手擰頭,頂唔順d潺
知道係有益.....不過睇你肯唔肯喇~
而且秋葵水亦是治療糖尿病和降血糖的偏方
有需要可以上網查下♥ 完 ♥