韓國首爾櫻花自由行 廣藏市場,清溪川,仁川機場 2012-4-19 DAY 4 完~

終於寫到最後一日,哩篇好長,差D想放棄唔寫.....

今日係最後一day,都係無咩行程,係附近行下
哩幾棵櫻花都開始甩花lu....一地都係花瓣

 行下行下.....好快行到廣藏市場 KwangJang Market

廣藏市場係一個熟食攤檔,亦有街市,當地雜貨店.....等等 

 好多本地人開餐,偶爾都見到3,4個HK人

 綠豆....磨呀磨....

 原來磨完攞嚟炸~~我唔敢食,真係太油

最後係十字路口揀左哩間,因為見到有麵食 ((唔係檔檔都有架))

我地又係手指指,指下壽司....然後加個勝利手勢= 2 條壽司

又指下D麵....然後做個圓形手勢= 1 碗麵

*我地D身體語言係咪好犀利先*

我地就坐係呀姐旁邊,睇住佢親手整 ~~

 我們的早餐  

泡菜唔洗叫,都會送上一碟,當然又係好好味啦~清晒

個麵好好食呀~質地好軟好滑,品嚐到湯底有蝦米魚乾味~~~正呀!!

壽司無汁掂,不過又幾好味好,食唔出用咩整!! ((都係醃蘿白呱))

 大爺的炒粉C(我估),咬落去QQ地,煙煙韌韌....大爺唔喜歡麵都話 好好味喎~

再加個魚肉串配蝦米湯~~好好味呀!!!  ((可樂係第2度買))

食飽飽....四圍行先

 佢地D生果,來來去去都係得幾款......都係本地貨

左邊黃色白間的瓜.....叫香瓜,百佳有得買

佢地d蘋果好大個 (深紅色)

係街市既海鮮檔見到浸住哩舊野.....好核突呀)))))有無人話我知咩嚟架~~

 之後行去清溪川,清溪川好Q長架,所以成日都見到

 

 我 : 你影我行過嚟吖....

你估下......我之後會做咩呢~~

唔係呼街....

 

 嘩~哈哈哈 個樣真係衰到不得了~~~  

都係大爺 "捕捉得好 "哩D醜婦相,只止一次,下不為例!

以後都唔會再出((發惡夢唔關我事))

 又去到doota  1/F  間 Coffee Bean & Tea Leaf

大爺叫左野食之後....比左個唔知咩野大爺

之後哩個圓古碌.....會又震又閃燈!!叫你出去攞野食~嘻*

個芝士CAKE第1日食過好好味,再食多次~~

 地庫見到10X10 Street Shop ,似hK 的 NON-ON

賣D野都幾得意,Hello Kitty迷會買嗎??

返酒店.....附近有櫻花~不過已經開始甩甩地.....

經過7-11 去扭蛋,又係手指指去唱 $

 返酒店攞行李行出門口等車時......

啱啱架 6001 雞場 BUS 到左喇~等車用左20秒左右~嘻*

6001 BUS約半小時一班,沒有指定到車時間,所以我地真係好好彩~~

上車睇風景....食紫菜.....連鞋都除埋 ((唔臭架))

大爺已經紛紛進入夢鄉 ZZZZzzzz.....

註:由機場去高爺係正門口落車,走既時候

係酒店門口上車就得喇~超方便!唔洗推喼走餐屎


哩d坐位比飛機椅舒服得多.....寬敞得多.....W14,000 一位

約 HK $98 , 去機場大約1.5 hrs

 姐姐幫大爺用特快check in

 係機場揀左哩間 PARIS Kitchen 食野  ((亦有 PARIS Coffee))

一坐底送上麵包....(咁好服務)

 

 大爺的意粉,好味~最緊要隻卵夠滑

最後KOREA PASS CARD(= 八達通) 仲有少少錢剩....

去GS 25 (便利店) 買美肌飲料,飯團和蛋糕仔......要洗晒D錢佢~~~

 還買了雪糕.....蜜瓜味好好味 ((係雞場 瀨呀~瀨呀~ 雪糕~哈哈*))

好多細路用羨慕嘅目光"望"住我

 入到去禁區去左CHANEL 睇下.....((內心深處一直都想買個長銀包))

有個 凌型格仔黑色皮 普通款 都唔錯 (不是7皮)  模上手D皮又滑又軟又林.....

售US 720  = HK $5600   又唔算貴!!  ((因為美金一直都無升過))

可惜....內籠皮係咖啡色,如果內籠皮係黑色,我就中招了

LV 內....有好多同胞 ,佢的廣告相影得好靚

 

勁難食的飛機餐,大爺直頭唔要餐!!

之後禁下禁下.....咦~有吸血新世紀 4破曉傳奇上集  睇喎~~有戲睇無咁悶

 玩下食鬼....仲玩到我好緊張添~ ((玩到手指痛))

哩篇好Q長呀))))

用左好多心機和心血......去寫去做紀錄

比D掌聲自己先,4日的行程終於全部播放完畢

多謝收睇

期待下一站~~嘻*

~完~

<<快速瀏覽>>

韓國首爾櫻花自由行 凌晨機+高爺+東大門 2012-4-16 DAY 1

韓國首爾櫻花自由行 汝矣島輪中路  2012-4-17 DAY 2 (上)

韓國首爾櫻花自由行 鷺梁津水產市場 2012-4-17 DAY 2 (下)

韓國首爾櫻花自由行 Lotte Mart+仁寺洞 2012-4-18 DAY 3 (上)

韓國首爾櫻花自由行 南山公園賞櫻花+韓國燒烤 2012-4-18 DAY 3 (下)

韓國首爾櫻花自由行 廣藏市場,清溪川,仁川機場  2012-4-19  DAY 4  完~



 ~謝謝收看~