日本葵(棕櫚科)種子盆栽

日本葵(棕櫚科) - 種子盆栽


初次接觸棕櫚科,當我了解棕櫚科後,比我既感覺就係....生長速度極之緩慢

單係發芽最少都要用上2-6個月~~但我偏偏愛棕櫚科的形態

今次試種比較容易的日本葵

 上年9月份取了日本葵種子,我選擇拾地上的種子,而不選擇"摘"
摘樹上有可能未成熟,而且會比人眼超超

 

先脫去外皮, 好似粒咖啡豆喔~

 

 浸水10天,天天換水,浮起的種子不要

 

把種子鋪平放在濕泥上,平滑向下,要預留少許空間

用保鮮紙密封.....要焗到發芽為止
之後幾天噴水一次....之後就一等再等等等~~~

 

一個月後....睇下,有動靜喇~

 

有小部份已經發芽喇~

 

這個時候可以放回花盆中....開始種植,天天澆水
豆豆可以外露,可以欣賞多一種美態呀~

 

20日後....葉子長了2cm長.亦有日本葵的影子了~

 

其間生長緩慢,我只顧澆水,無影相
直到4個月後......2012年3月既時候....已經長大好了~
好似一條條綠絲帶 ~ 彈下彈下~ 還加上白色石粒

 

不過我的皇后葵宣佈失敗,應該用錯方法,下次用檳榔既方法先~

下一盆向檳榔出發,其中一粒檳榔偷偷發芽喇~

*完*