西貢橋咀島 2012 July 3 (Tue)

西貢橋咀島.....同陽光玩遊戲)))  2012 July 3 (Tue)

今日天氣非常好,好既定義一定要有藍天白雲,風和日麗啦~~
令到我地都好開心和雀躍,睇下真係好藍呀))))
而且今日係農曆十五,退水就啱晒lu!!  gogogo~~~
亦係充滿維他命D既一天,即係好曬囉~熱到人都癲*

 

 

自從大爺賣左架愛驅之後就好少郊遊~其實坐公車都一樣方便
係旺角坐小巴到西貢碼頭

 

 

首先去 Camden Town 醫肚先

佢地既fish & chips 真係好好食
魚柳真係炸到鬆脆又唔油

大爺仲好欣賞佢地既醬汁添!! 正呀~
裝潢和食物都一樣充滿英倫風格

 

 

坐馬記去橋咀島 $30 一位包來回
食飽飽....大爺去買麵包~~我要保礦力呀!!

 

 

 

 成條船廿人....得我地兩條友去橋咀島

 

 

一落船~~嘩))今日既藍天白雲正到暈呀~
藍既藍 白既白

 

 

好耐都未見過咁蔚藍既天空

 

 

 

自己加D幻想力.....
我去左馬爾代夫+三點式泳衣呀~~哈哈哈, 似唔似呀~

 

 

 

 

 

2012 JULY 3 (農曆十五) 下午3點,嘩~D水真係退得好盡下喎~
無左果種被海水半遮半掩既效果似石灘多D囉~~ 
大爺唔鐘意,我都係~

 

 

旁邊有個告示板,話埋比你知幾時幾點潮退潮脹
唯有手指指我地想要效果囉~(隻係咁肥既*)

 

 

 

 

 

 

我全程著住拖鞋行石灘......行上行落~~我都驚趴街架!!
又咩袋又攞相機,一跌就機毀人亡,哈哈~~好彩無樹~
大爺行得慢,因為佢話D石好界腳 和 吉腳喎~~我又無喎
大爺 : 梗係你D腳皮厚啦~      我 : 食蕉啦你)))))(高8度*)

 

 

 

係好出好出既石邊見到珊瑚呀~好開心呀~~
D蘇郁下郁下~~飄飄下
我好乖....齋睇無摸呀~~要保育嘛!!

 

 

一共見到7條海參咁多呀))))  都有10寸長
呀媽~~下次唔洗買海參喇 !! 海灘大把....

 

 

 

 

 好乾淨 好寧靜 既大海

 

移開舊石....見到有好靚既貝殼,裡面有野架~睇完最後都放底....

 

橋咀島還有出名既波蘿石,它的裂紋好似波蘿包唷~

 

 

 

行左個幾鐘,曬左個幾鐘......頭殼頂應該可以煎雞蛋~
我地坐係樹蔭下休息.....大爺去洗毛巾抹身,我一個人發呆
我背後有一對50歲左右的夫妻,男的背妻行沙灘,又替老婆抹汗
聽到他們的言語.......他們好恩愛,好和諧~~讚*

 

 

逗留1.5小時已經走了.....
雖然好想睇半遮半掩的水路,今日睇怕6點先水脹,唔等lu

 

 

設計對白~~~嘻*

 

 

去食碗車仔麵就搭小巴去旺角.....

等車其間見到奇景呀~(我覺得*)
上小巴後......我已經zzzZZ......好累*

 

返到屋企.....食過晚飯,要休息番一陣.....(EYT)
馬上敷個保濕MASK,敷完再用嚟敷腳,唔好嘥~嘻*
真係物盡奇用~哈哈哈

 

係碼頭買同呀姐買,呀姐好好人....比我聞呀聞~~
因為我用氣味去決定買唔買(大地魚無得聞都買)
魚仔蝦米都好......不過我唔識煮,下次先~魷魚絲 - 勁好食呀~~  好香唔會好大陣醒味*正呀~
大地魚粉 - 未食.......下次報告
鱆魚 - 打算用嚟煲湯.......下次報告

總括嚟講今日好開心,天氣好風景好.....心情一定好~香港的風景真係好靚,慶幸橋咀島沒有垃圾,沒有膠袋~

 

*完*