老媽子。豆沙角

老媽子。豆沙角 2013

最近忙於大掃除,眨下眼原來已經6天沒有更新了

 

沒有特別事情發生,沒有整麵包也沒有煮飯

只是忙於做呀四的工作.....打掃,整理,去污,清洗....等等!!

 

入正題....每年老媽子都會整過年食品

今年可能不整蘿蔔糕,我地都無問題,但是令大眾牵腸掛肚既豆沙角就不得不整

我和老媽子合力包了120隻左右,但.....還是不夠食....不夠派

2月頭還要整多一劑.....

老媽子前一天預備好的自家製豆沙蓉 / 白芝麻

 

 先煲片糖水......水滾後加入一舊糯米粉團落去煲(要煲熟*)

 

煲熟之後和糯米粉一起搓.....邊搓邊加入片糖水,搓成糯米麵團
**事前煲熟一舊糯米粉團,就好似整湯種麵包道理一樣....更鬆軟**

 

老媽子努力中.....摺呀摺....摺呀摺~~我都要開工喇!! 唔影喇~

 

大爺問 : 邊D係你包架??

我 : 3行半都係我包嘅....

大爺 : 好叻呀~~以為你淨係識食,唔識包....

我 : 我一直都識包)))))

大約45分鐘就包好了~~左下角一舊舊果D係阮小姐包的泥膠傑作

 

嘩))))))炸得好靚啊~

 

 

 

我可以一口氣食4-5隻架~~~點解我會咁鐘意食

 

因為外皮炸到卜卜脆煙煙韌韌,餡料豆沙係自家製唔會好甜

就算第二日再食,只要煎一煎,外皮又回復剛剛炸起一樣*鬆脆煙韌*

 

整完就同阮小姐落街玩一陣
阮小姐好喜歡豹紋架.....(真係估佢唔到*)

 

 

值得記錄的事

今天某人的說話令我咬他的頭,別以為我不敢咬你個頭,我講得出做得到

搭手電梯時某人在我前面我就夠高咬你個頭殼頂,用門牙"咪"落去~~~

哈哈哈....笑屎我

*完*