重慶咖哩

重慶地下咖哩

一心諗住去重慶尋找阿素芳芒果,點知搵極都無
誤打誤撞走左入去地下某間印度餐廳仔,唔知好唔好食架!! 食咖哩都係上3樓4樓7樓........

係門口左望右望......哩間D咖哩&飯好似唔錯(雖然只有一枱客咁大把)
是但啦.......本住好又一餐唔好又一餐既心態,入去........


D飯咁7彩......

 

 

 

都係咖哩飯穩陣D

 

 

睇極都唔知係乜東東?? 都係豆蓉之類......(我估*)

 

 

甜點??睇電視好似見過

 

 

 

一坐底就問老闆橙色果D,印度老闆就攞左比我食!

嘿嘿~用紙巾包住比我,好似請我食咁款!!

見我咬左兩啖又問我好唔好食~~
味道只得甜味,又唔係十級甜,未到打冷震果種級數!

 

不過甜得嚟有種油味,都幾油下~
其實有勇氣去試下人地D家鄉小食都唔錯吖~~

 

 

哩兜咖哩一上枱........嘩~~~好香咖哩味,是牛肉咖哩
炆得好林,好好味~~~咖哩好香有點辣,會好想ｋｅｅｐ住食唔想停

 

 

 

咖哩雞飯，D飯好油但又幾香咖哩味

 

 

餐廳門口都有賣芒果,不過唔似我地想搵既印度阿芳素芒果
個樣唔似.......又黑又青又唔圓,仲有少少樣衰添，見廿蚊個都唔想買

 

 

食飽又兜圈尋找印度阿芳素芒果(Alphonso)

 

見到有一幢幢芒果，望望下盒邊寫住”巴基Ｃ坦”

 

 

 

 

最後搵唔到印度阿芳素芒果Alphonso－－－－－－－－．走人．
以前經過重慶唔敢入去架，依家覺得好平常．．．．．唔通我大膽左


哩幾日好Ｑ熱，好懶唔想郁，無煮飯！
好想快Ｄ到９月
又好想快Ｄ到１０月
又又好想快Ｄ到１１月

＊完＊