今天的重點是~學煮泰菜~
yeah~難淹我的興奮
真心講句,在清邁六天
最好食就是今日學煮泰菜的味道
行程第1天walk in去book...無位
留下電話,有人取消就call我
前天收到電話,我可以學煮泰菜喇!
真係超興奮,連個天都幫我~嘿''
學費1200b連逛loacl街市和酒店接送
09:00在酒店接我們
包5款菜,每個類別選一款(圖下)
其他同學仔仲未到,影下相先
~~~
第一次在泰國學煮泰菜超興奮
因為我真心喜歡煮野食
大爺齋陪齋睇不動手
佢係度上網,閒時影下我囉!
~~~
當日一共有4位英國金髮嬌娃
1位澳洲基男,還有香港C9 - 我
~~~
自我介紹後入房開波喇喂)))
先入一間示範房
我的英文水平是小學雞
大概都聽得明
呀Kong sir先介紹下春卷皮
比你touch下
之後示範切菜絲和包春卷
示範完回到自己的工作檯
開始第一度-泰式春卷
對我嚟講零難度~~嘿嘿
對我嚟講零難度~~嘿嘿
先將青椰菜切絲
然後和芽菜炒兩下
加埋調味料炒兩下
熄火上碟,之後包呀卷呀....
對面的澳洲男手震震
睇見都一額汗,應該唔會"發"過嚟我度呱
話咁快包好喇~
上篇提到我像泰國人嗎?
雖然好多位鄉親父老都話唔似
唯一是我膚色比較深(同導師差不多)
雖然好多位鄉親父老都話唔似
唯一是我膚色比較深(同導師差不多)
所有人包好就開始炸
一個跟一個....唔屎急
我想炸深色d脆口d
完成馬上入冷氣房品嚐
Kong sir示範果條請大爺食
食完開始第二度-冬陰功
選單上有3種,個個選擇不一樣
都會逐一示範,就可以試多幾款
即場示範好好睇,原來好容易整添
輪到Miss A示範完會比我地試味
一碗冬陰功泰國人會落5-10隻泰國辣椒
就按自己程度去加辣
所有洋人落一隻或不
我落兩隻夠皮喇!!
~~~
至於調味會建議你落幾多,自己去畢
所以味道不會太差,有保證
落2隻辣度剛剛好,勁好飲呀
原來我都可以煮得咁好味
湯底是蔬菜加蝦頭淆成
沒有用什麼雞湯高湯
藍蓋醬我發現9龍城有得賣
煮完兩度泰菜,去逛loacl街市
不到十分鐘車程好近,是塔佩門內
導師介紹榴槤是果王,山竹果后
還介紹粉紅色皮蛋
我地細細聲講皮蛋,導師又聽得明
一打開是黑色
洋妞即時臉容扭曲
搣到芝麻咁細粒先肯試食
好攪笑,始終不太接受
還介紹泰國香料/米/椰漿/椰糖等
講東講西後,比10分鐘自由時間
在街市自由活動
大爺去買褲.....佢叻到
買褲大嬸主動送四條香蕉比佢!(勁)
~~~
逛完街市回去煮埋餘下三款
喜歡哩度可以赤腳四圍走
沒有踩過一粒沙
第三度是青咖哩雞
青咖哩個醬用好多香料而成
入房睇即場示範,煮了綠和黃咖哩
兩隻都煮得勁好味~超級香
真係有d料到,定係咁啱合我口味呢~
完成,煮完擺得靚靚地~
我覺得好掂呀~
還準備好紅米飯比我地配咖哩吃
感覺很貼心
第四款-炒pad thai(炒金邊粉)
有板有眼,味道都是超水準
可能我喜歡濃d,金邊粉軟硬適中
最後一度芒果糯米飯
蒸糯米要長時間
以為由於時間開關係已經蒸好
原來真係即場蒸15分鐘
先煮好椰奶,椰糖
蒸糯米要長時間
以為由於時間開關係已經蒸好
原來真係即場蒸15分鐘
先煮好椰奶,椰糖
食得喇~~
真心果句,真係堅好味
關鍵於佢的椰漿好香
配上椰糖很香很味美,無法抗拒
之後導師搬了生果出來招待我們
有山竹,荔枝和榴槤
一班洋人始終不接受榴槤
最後由我一人解決~~哇!哈哈
勁香甜軟硬適中,我唔客氣喇~
還有香芽茶,超愛呀
點解哩度d野樣樣都咁好食
最後送上食譜和銀杯
門口
~~煮後感~~
1.煮既時間很充裕,不會趕
2.所有用具和活動地方都很乾淨
3.導師細心,用心講解,招呼周到
4.出乎意料的美味(這點很重要)
~~~
事前令我選擇佢既原因是:
1.係tripadvisor網上評價是no.1
2.離我酒店很近,行5分鐘就到
3.我國人比較少,感覺會...(你明啦!)
和我地間酒店距離好近
一早已經安排好
08起身,一定會好眼訓
15:00煮完馬上回酒店午睡
~~我會強烈推薦,來試試吧~
午睡了1.5小時....很滿足
泰♥清邁
~旅程完畢~謝謝收看~
有個諗法，嗰啲洋妞唔知會不會當你係…係乜嘢？你諗下啦…
回覆刪除因你又食皮蛋又食榴槤…
咩都放入口既香港人囉^^
刪除我這裡都有這隻chili paste ，要買來試試。
回覆刪除你煮得咁叻，一定無難度
刪除地方舒服, 食物又合口味, very good. :)
回覆刪除係呀，當日煮得好開心^^
刪除o係HK有冇再煮過?
回覆刪除有呀，都有7成似
刪除哩個活動好吸引呀~~可以一次過學五樣嘢，有得食、有得玩，正！多謝你嘅詳盡介紹^3^
回覆刪除唔屎客氣，算是另一種玩法，因為我愛吃泰菜^^
刪除要除鞋煮餸好得意...
回覆刪除學足五個餸都只係1200b 好抵玩喎! 大爺陪足你咁多個鐘悶唔悶呀?
佢唔悶呀，成日要幫我影相，睇我煮又一齊睇示範，無野做坐冷氣房上網，不知幾開心
刪除真開心, 又學到好嘢 :)
回覆刪除第一次學，所以覺得好好玩
刪除好好玩喎玩完仲有得吃good
回覆刪除最緊要唔洗洗，有得玩^^
刪除Become a competent cook now.
回覆刪除嘿嘿~~~真係煮得好好玩
刪除可以一日內學煮咁多泰國菜, 而且又有質素, 很不錯的行程~~~
回覆刪除係呀，所以煮得好開心^^
刪除玩足一日, 好抵喎
回覆刪除又玩又食夠晒過癮
刪除頂~~~你又知人地澳洲係基男~~~~~~
回覆刪除係喎你哥日咪食左好多野~~~
我覺得幾好玩~
連金髮洋妞都係咁講架~~
刪除仲食到好飽添!
我也愛在泰國上cooking class
回覆刪除煮過就知有幾好玩~
刪除原來去個旅行都可以學煮餸嫁? 又幾好喎..我下次去泰國又搵下資料先.
回覆刪除曼谷有,包你一定話好玩姐~
刪除請問殷師奶會唔會或可唔可以將妳學到點整冬陰公教吓我呢！我見到妳整得咁過癮又想試吓！唔該呢！
回覆刪除回港後都有煮冬陰功,味道有8成似架~
刪除下次出文分享~~唔屎客氣
好有意思！有得玩有得學！
回覆刪除煮得好開心架~~~覺得自己煮得好好食^^
刪除最正係獨享榴蓮啦~ 學費即係港幣幾錢呀??
回覆刪除1200B=HK300,煮足半日~
刪除殷師奶，芙芙都好想去泰國學泰菜呀，
回覆刪除總覺得去返當地學會地道好多，你一日學整咁多款好正喎!
青咖哩係芙芙嚟緊想整嘅菜式呢，見到你張相都流口水啦~~
當日煮得好開心,只要足香料就好好味
刪除睇住呀sir煮,真係好易
呢個泰菜班，超正呀!
回覆刪除下次到泰國都會再學,好好玩架~
刪除幾乎以為係團購果d煮食班，原來宜家去泰國流行咁玩？！
回覆刪除可能我太愛泰菜啦,當日學煮好好玩
刪除要唔著鞋學煮飯㗎？大爺有冇份食㗎？
回覆刪除係呀~~赤腳四圍走好自在
刪除有呀~~樣樣都一齊食!
殷師奶與大爺
回覆刪除~有得學下, 下次自己整, 就會好上手. 你返香港有無再整過??
有再煮,味道似7成
刪除樣樣我都鍾意食呀！！！！＊v＊大爺就有口福～～～～（原來tripadvisor連cookery school都有！有機會我都想去異國學煮野食呀～～～～）
回覆刪除tripadvisor乜都有,d評價好真實
刪除哈，反而我睇到“買褲大嬸主動送四條香蕉”，非常搞笑。XD
回覆刪除係喎~~當時我不在場,大爺講先知,真係好攪笑
刪除好似整得巧巧味，想引屎人咩！( 水浸妳地頭！)
回覆刪除吾好話你煮得開心，連我睇都覺得開心呀﹗
回覆刪除睇啲用具咁乾淨 , 環境又好舒服企理 , 應該唔差 , 嘩.............睇完你煮嘅幾款食物 , 簡直高水準到呢.............., 無得彈 , 比十個讚你~!!!!!!!!!
回覆刪除為左食,真係好鬼有心機呀!~叻.叻.
回覆刪除大爺今次有口福喇!~
返嚟之後有冇煮過泰菜呀? 學咗要實踐, 下次煮俾我食品評吓.
回覆刪除