上回講到陪奶奶買手機+轉台之後
我和大爺去牛下逛逛
我地好少去9龍灣
先去得寶商場,是一個舊式老商場
但.....翻新某一部份之後
吸引我地去睇下
經過惠康之後.....牛下重現了
好多懷舊水壺,兒時膠櫈掛上天花
走廊裝潢得多懷舊
小商戶鐡閘都很用心
裡面有一個小小FOOD COURT
都是掃街的港式小食
大排檔的汽水箱搭枱
生菜魚肉好食
魚蛋腸粉都好正
兒時最深刻就是哩張海報
對眼啤住我
亂拋垃圾,人見人憎
記得以前D垃圾桶是全黃色
卡位
食飽飽繼續行(地方不大)
好多商戶都未有人租
每條走廊都有不同懷舊佈置
最特別是電影院櫈
真係坐得架,做到似層層
之後去mega box行ikea
忌廉青口好味
大爺教奶奶用智能手機
都幾順利,要耐性....再耐性
要多D打比佢同whatapp佢
食飯時....掛住學睇fb(多開心)
唔理老爺,老爺自己默默爬飯
回想自己第一次用fb(多蠢)
~完~
俾心機, 慢慢教
回覆刪除真係有排教^^
刪除牛下，真似時光倒流咗，嘻嘻，感覺自己好老！
回覆刪除唔老唔老，只係兒時既事之嘛^^
刪除我初時用FB，好似有種偷睇人私隱的感覺。
回覆刪除係呀，佢見返好多好耐無見既人，都用得開心嘅
刪除多謝介紹啊,我以前都是牛下長大的,得寶花園都曾經常去,原來現在攺裝得咁有特色,要找時間好好參觀懷念.
回覆刪除是牛下長大既話更加要去行下，都裝飾得唔錯，雖然我唔係牛下大^^,得寶係第一次去，嘿嘿
刪除我還不知道有這商場！真開眼界！thx!
回覆刪除有賣點就值得去行下，都幾得意^^
刪除個商場幾有懷舊feel
回覆刪除最緊要學識fb和whatsapp,好夠用啦^^
學fb 和 whatapp 真係夠晒用，淨fb 已經睇得好開心，見到好多好耐無見既人
刪除好彩有大爺教佢~~~~不過睇黎奶奶都幾聰明!
回覆刪除個商場裝修幾得意喎~
至從折左後都未去過，好似冇咗個種感覺咁
回覆刪除而家老人家有時比年輕人仲沉迷手機呢~~哈哈！
回覆刪除原來得寶商場整成咁~~等佢開多d鋪去行下:p
回覆刪除我媽媽都教咗一排才懂算叻女架喇
回覆刪除我阿媽而家已經係wechat高手！(=^･^=)雖則我極少用wechat……(^_-)
回覆刪除呢度真係好懷舊, 有機會都要去行吓, 影吓相呢~!!
回覆刪除