生活小事 (二)

生活小事 (二)

續生活小事(一)出街之後 , 已經開始寫生活小事(二)

我也不知道為什麼一寫就用了3天 , 哈哈~~ 一個字 "懶"

我覺得一張相一個小話題都幾好吖~~短短地又不會長篇大論 , 最適合我~

因為我真人說話不多 , 絕對不會口水多過浪花的人 , 性格比較偏向沉默寡言 (真的*)

遇上陌生/新相識的人變得更加沉默 , 不會開口只會點頭和擰頭 , 或者回你一句好/不好便算

除非你是相識多年的老死 , 否則好難看到我的真面目 !!!

那.....在BLOG內既我....是沉默既我 或是 真正的我呢??

其實在BLOG內是真正的我 , 因為我沒有面對任何人在說話 , 所以我可以暢所欲言

 

當然在BLOG內的"語言"和"用詞"有加以修飾過 , 有些說話更不能出街呀~~

日後儲夠5件小事 , 會再開寫生活小事 (三)
6. nikon cpl
7. 鬆弛熊馬卡龍
8. 巨型牛角包
9. 百記掃貨
10. 打網球



6. nikon cpl

一直都想買一塊CPL比我的寶貝用 , 只可惜好多牌子未用過 , 只能夠上網爬文看別人的意見

3個月前去逛商場 ,  睇完牌子又睇價錢依然買不下手 , 還1516未能下決定 , 因為無得試嘛~

而我是屎硬派 , 都係用回完廠把啦~ 免得自己後悔  , 全新太貴了~ 就算二手又不是常常有...

近日同神鳳吹水時 , 就即刻挑起條根 , 馬上上網睇下有無二手先..... E ~有呀有二手呀)))

第2日即刻約師兄交收 , 嘻!! 終於買到了~~ 有單又新淨無花 !!

在藍天白雲下用過一次 , 效果好似幾好....我還在摸索試用中....

 

 

 

 

7. 鬆弛熊馬卡龍

有日 , 大爺收到朋友送的馬卡龍 , 大爺當然轉贈給我啦 ,  他不嗜甜嘛~

我一打開....嘩~~好靚喔!! 真係唔捨得食囉~ 欣賞過後....送到咀裡時

我只有一種感覺好甜呀 , 除了甜味之外我說不出其他味道 (還有一丁點芝麻味之外)

馬上想起小t在法國食馬卡龍既時候 , 我們真係品嚐到同一種味道嗎?? 應該不可能~

就好似在日本食魚生 和 hk吃魚生一樣 , 味道應該相差十萬九千里~ 對不對!

假如我有雞會到髮国 , 我一定要吃到底~

可愛的造型好好看但不好吃 , 我想要好看又好吃的~

 

 

 

 

 

 

 

8. 巨型牛角包

去到葵芳廣場見到好多c9&男女係度等食哩個經濟下午茶餐~~選3款都係$40,有飯有甜品

而我眼見餐牌上寫推介牛角包 , 好~我就要牛角包啦!! 順便試試別人的手藝嘛~

一上檯.....嘩我都唔知比咩反應好,洗唔洗咁Q大個呀,成條潛艇麥包咁大,足8寸長呀大佬!!

最重要係唔好食 , 一點都不酥不脆 , 並不是牛角包質地 , 只係牛角包造型而已

你見過咁大個牛角包未呀?

 

9. 百記掃貨

放假時好喜歡和大爺去超市掃貨 , 有時會借車一氣過推回家 , 不用搬餐屎

當日又曬又熱 , 買了肉類和雪糕 , 我不想食物同陽光玩遊戲

於是打開縮骨傘遮住....哈哈~ 我就放心得多~~ 哈哈

不過沿途好多歐巴桑勁八卦 , 越是遮住就越想睇下乜東東

"無聊事一則"

 

 

10. 打網球

大爺愛上網球之後 , 晚上即興BOOK場練發球

而我二仔底屎跟.... 寧願做波童運動一下, 順便可以消消脂

我還處女下海 , 在大爺的指導下打了15分鐘左右 , 我都接到波呀~

還有幾球POP POP聲呀 !! 大家都出一身汗 , 爽呀~

我 : 大爺你買條超短網球裙比我著吖~

 

 

 

以上5件事算不上精彩 , 這就是生活小事


<<快速瀏覽>>
生活小事 (一)
生活小事 (二)
生活小事 (三)

生活小事 (四)

*完*