2013年7月10日

逛逛荃灣~吉豬島&一田

 
上次經過吉豬島哩間銀咖哩超多人,今次就試試
叫左個1.5kg重的富士山咖哩飯,都好大碟下,兩個人當然有信心食得晒~~哈哈
 
有煎蛋,牛肉漢寶,厚厚芝士
旁邊有腸仔&吉列豬扒.......
 
 
+$9有薯角&汽水
 
 
我地一人食一面.......起勢咁爬,再於食量方面都係一人食一半
大爺有時好衰格....食咩都好都要一人食一半.........
但我又食得落喎~~(都係大食果邊*)
 
 
豬扒有點乾,但未到好柴果種~薄薄地又脆OK啦~
 
 
 食晒無交嗌......
 
 

食飽飽就行下吉豬島個超市,仲撞到蘇生太~~
之後到對面新開的<一田>行下~~日後唔洗去沙田咁遠(3013.6.28開幕)
 
 

哩隻熊木......睇睇下好似紙x公仔
 
 
8點幾去到哩間 <糧友麵包店>
 
 
真係好誇張......乜都賣鬼晒,大爺話 : 好似打10號風球咁樣
見到得番1000零一個古古力蛋糕>>>>即買
 
 
轉去一田超市8下......問下姐姐有無米趜,都係答 : 無~
 
 
買左一盒以色列無花果
 
 
 還記得韓國樂天超市的水耕菜實驗室大到不得了~~
竟然一田都有,雖然只有幾行咁多都好吸引,即刻叫大爺幫我影相
 
 
一田超市旁邊還有一兩間食店(好多人),試下白熊雪糕,話用3.7牛奶整
 
 
嘩~~~甜到不得了!!!! 我不喜歡,大爺話 : 同雪糕車無咩分別,價錢當然好大分別
轉個身....又望到天仁茗茶,真係好多野食呀~~
 
 
 行夠睇夠回家......日後再嚟慢慢行
糧友個蛋糕唔錯,真係好軟.....
 
最近........又扮忙

因為要諗下9月頭去沖繩買咩手信好呢??

又去淘寶睇下沙灘裙&泳衣&沙灘帽........已經睇到眼花花

**完**

沒有留言:

發佈留言