2013年7月2日

重慶咖哩


重慶地下咖哩

一心諗住去重慶尋找阿素芳芒果,點知搵極都無
誤打誤撞走左入去地下某間印度餐廳仔,唔知好唔好食架!! 食咖哩都係上3樓4樓7樓........

係門口左望右望......哩間D咖哩&飯好似唔錯(雖然只有一枱客咁大把)
是但啦.......本住好又一餐唔好又一餐既心態,入去........


D飯咁7彩......
 
 
 
都係咖哩飯穩陣D
 
 
睇極都唔知係乜東東?? 都係豆蓉之類......(我估*)
 
 
甜點??睇電視好似見過
 
 
 
一坐底就問老闆橙色果D,印度老闆就攞左比我食!
嘿嘿~用紙巾包住比我,好似請我食咁款!!

見我咬左兩啖又問我好唔好食~~
味道只得甜味,又唔係十級甜,未到打冷震果種級數!
 
不過甜得嚟有種油味,都幾油下~
其實有勇氣去試下人地D家鄉小食都唔錯吖~~
 
 


哩兜咖哩一上枱........嘩~~~好香咖哩味,是牛肉咖哩
炆得好林,好好味~~~咖哩好香有點辣,會好想keep住食唔想停
 
 
 

咖哩雞飯,D飯好油但又幾香咖哩味
 
 
餐廳門口都有賣芒果,不過唔似我地想搵既印度阿芳素芒果
個樣唔似.......又黑又青又唔圓,仲有少少樣衰添,見廿蚊個都唔想買
 
 
食飽又兜圈尋找印度阿芳素芒果(Alphonso)
 

見到有一幢幢芒果,望望下盒邊寫住”巴基C坦”
 
 
 
 
最後搵唔到印度阿芳素芒果Alphonso--------.走人.
以前經過重慶唔敢入去架,依家覺得好平常.....唔通我大膽左


哩幾日好Q熱,好懶唔想郁,無煮飯!
好想快D到9月
又好想快D到10月
又又好想快D到11月

*完*

2 則留言: