2013年7月28日

深圳闖蕩一天遊 ♥東門老街,歐洲城廸卡儂♥

深圳闖蕩一天遊 ♥東門老街,歐洲城廸卡儂♥ 2013-7-23

無啦啦去深圳??

我地兩個頭號港燦........已經6,7,8年無去過深圳行街

怕比人老笠,怕去廁所會比人.....(自己諗下啦....)
 
事源大爺早上係my tv 睇到"深圳闖蕩",介紹東門行街同埋廸卡儂運動品超市(叮一聲*)

大爺話不如去深圳走一轉......好))))馬上巢張回鄉卡出嚟


跟足
"深圳闖蕩"一樣,先去東門行街再去廸卡儂運動品超市,泵骨就免喇~
gogogo))))))
 
先去落馬洲,過關10級暢順......再轉龍華線,自的地<老街站>即係東門,車¥3其實我地蠢左,應該去羅湖,再去<老街站>是最近



一出站必經哩個<檸檬商圈>,已經好多野睇,我地對眼好Q忙!!
 
 
淘寶呀~~淘寶呀~~淘寶呀~~全部都係淘寶呀)))))
無人我先夠膽影
 
 

因為人生路不熟,見到<真功夫>,就食哩間啦~~之前係上海杭州食過都唔錯~

 

我地超級肚餓.....
 
新出的獅子頭套餐,好好食~




經過一輪.......狂風掃落葉之後,食晒~~
好似估錯處咁樣....哈哈


 
 
食飽飽就開始濕平~~
我地帶了¥2000,一人¥1000
仲要分開幾個袋袋,怕比人割褲割背包



東門町廣場又叫南塘廣場,係最好行,D野比較好少少
不過所有野都可以係淘寶見得到
寶華樓可以唔洗行,空調好薄弱

 
 
 

 
 

亂咁行.....又見到
 
"深圳闖蕩"介紹食野既地方(東門町廣場一樓)



我地都唔執輸食左幾樣~
蟹黃蝦球
¥10份~~~好彈牙,真係好有蝦蟹味
蒜蓉燒蠔
¥10/3隻~~~味道唔錯,夠多蒜蓉,粒肉痴住個殼架,唔係放上去~~(無痾)



即埸片.....即場包的片皮鴨
¥10/5,我地覺得個汁最好味,超抵食~~
還有個五谷玉女卷
¥5,好脆,煎得唔錯,類似蛋卷~~~
 
 

哩支青皮橙黃色勁好飲¥10,睇住佢即榨
芒果雪媚娘¥12整到爛晒,不過味道真係唔錯,煙煙韌韌好香
不過好少芒果~~

掃街都掃到飽晒......
 
 
 
 
 
 
 
馬上出發去<世界之窗>站
上到地面,見到世界之窗既巴黎鐡塔&歡樂谷

下次好想去....我連
世界之窗都未去過(正宗港燦)






我地問左6,7個人都唔知"歐洲城&廸卡儂"
我地係咁又上又落去問人
個個都說: 不知道,不清楚,不曉得,不,未聽過.......頂吖~~

初初又話係H1出口有IKEA免費接駁BUS
問極D人都唔知.....我地唔想乾等最後終於問啱人.....係益田果邊出口
搵巴士站坐B681去到總站就係歐洲城 ¥1, 車程10分鐘
班次好密

 


終於到廸卡儂喇~~


附近還有ikea , B&Q ,國際名牌傢俱坊, 哩度俗稱: 歐洲城


馬上衝去廸卡儂,哩度真係好大呀~~叫廸卡儂運動專業超市
好多都係英國牌子,即係我地唔多識果D......

 


哩度有好多勁多體育用品賣

包括 : 水上活動,各種球類,露營用品,單車用品,各式運動衫和鞋,健身器材.....等等

樣樣都可以任試任踩任玩......真係好過癮
 












藍色哩套都幾靚吖~~可以上下身唔同SIZE都得~質地好好....靚過東門果D~



個籃有轆架........可以拖住行好方便!! 大爺收穫唔少啵~

 

睇下哩度幾大~~左右都係貨架
 
 

行完去左隔離既B&Q,哩度似足英國既B&Q,定係同一家店呢??我唔知~~
乜野裝修材料都應有盡有,D野好平,不過唔啱我地行~



之後去隔離既IKEA,成個歐洲城最多人的地方
間餐廳大到不得了,淨係餐廳都成百米長



由於我地唔知去邊度搵食,晚餐都係食IKEA算了~~
¥80 樣樣都好味,唯獨肉丸D質好散,同HK有D分別~~



整個歐洲城的環境都唔錯,唔似係深圳囉~~但又UP唔出似邊度.....

走了~~~行左成日巧累,返到屋企已經10點喇~

 

總結 :
 

今次的深圳一天遊感覺唔錯,起6,7,8年前真係相差好遠.....

起碼條街算幾乾淨.........(掉垃圾罰
¥50)

無聽到吐痰聲........(可能文明左)

沒有女人抱BB行乞........(可能打擊得好犀利)

大型商場的衛生間,衛生情況有待改善........(起碼視覺上ok)

感覺上治安幾安全,我地唔係怕屎呀,只係聽得太多恐怖既新聞而已

下次打好書釘.....會再去
 
 
 
♥♥   ♥♥   ♥♥   ♥♥

留意逢星期六晚8:00出既<深圳闖蕩>喇~~

下集會介紹藝術館和打邊爐


*完*

1 則留言:

  1. 哈,我記得之前你在yahoo篇文我已經留過言
    而家再黎支持一吓
    算唔話得啦!

    回覆刪除