花生眉豆雞腳湯

最近煲劇煲上腦....一睇就不能停~
仲睇到好肉緊添~~食飽晚飯之後各有各忙

我係房煲劇,大爺係廳睇電視+打機
忙到連......半句說話都嫌多,好似一個人住,各有各生活 !!

要2-3日內煲完......

今次哩個湯好濃好好味~~~
材料 : 豬筒骨 + 雞腳 + 花生 + 眉豆 + 果皮 + 紅蘿蔔
先將豬骨(已醃) + 雞腳出一出水

 

 

水滾後加入豬骨+雞腳+果皮+紅蘿蔔....煲呀煲.....
加入花生+眉豆.....煲呀煲......

半小時後轉小火......煲呀煲.....
再煲多個半鐘左右.....落鹽

飲得喇~~~
開飯喇~~~

 

唔好阻頭阻世....要煲劇呀)))) 哈哈哈

*完*